तिरुअनंतपुरम : अवयवदान केल्यास अनेकांना जीवदान मिळू शकते. केरळमध्ये १७ जुलैला ब्रेन डेड घोषित केलेल्या २७ वर्षीय अनुजितची पत्नी प्रिन्सी आणि बहीण अजल्या यांनी अनुजितच्या मृत्यूनंतर त्यांच्या अवयवांचे दान केल्यामुळे आठ लोकांसाठी तो फरिश्ता बनला आहे.
केरळमधील कोल्लम जिल्ह्यातील कोट्टारकाराजवळ १४ जुलै रोजी अनुजितचा दुचाकीच्या धडकेत अपघात झाला. त्यावेळी त्याला गंभीर अवस्थेत कोतकारा तालुका रुग्णालयात दाखल करण्यात आले. त्यानंतर पुढील उपचारांसाठी तिरुअनंतपुरम मेडिकल कॉलेजमध्ये हलविण्यात आले. यानंतर केरळ इन्स्टिट्यूट ऑफ मेडिकल सायन्सेस येथे दोन एपनियाच्या चाचण्यांद्वारे त्याला ब्रेन डेड घोषित करण्यात आले.
अनुजितला ब्रेन डेड घोषित करण्यात आल्यानंतर त्याची पत्नी प्रिन्सी आणि बहीण अजल्या यांनी आठ जणांचे प्राण वाचवण्यासाठी त्याचे हृदय, मूत्रपिंड, डोळे, लहान आतडे आणि हात दान करण्यासाठी पुढाकार घेतला. आरोग्यमंत्री केके शैलजा यांनी दु: खाच्यावेळी हे मानवतावादी पाऊल उचलल्याबद्दल अनुजितच्या कुटुंबीयांचे कौतुक केले. तसेच, मंत्र्यांनी अनुजित यांच्या कुटुंबीयांबद्दलही संवेदना व्यक्त केल्या.
राज्य सरकारच्या केरळ शेअरिंग ऑर्गनायझेशन (केएनओएस) साठी 'मृतासंजीवनी' च्या माध्यमातून अवयवदान करण्यात आले. अनुजितचे हृदय थ्रिप्पुनिथुरा येथील रहिवासी असलेल्या सनी थॉमस (५५) यांना दान करण्यात आले. ते कोची येथील लिसी हॉस्पिटलमध्ये उपचार घेत आहे.
मुख्यमंत्र्यांच्या निर्देशानुसार, राज्य सरकारद्वारे भाड्याने घेतलेल्या पवन हंस एएस 35 डॉफिन हेलिकॉप्टरने मंगळवारी एर्नाकुलमच्या हयात हॉटेलमधून अनुजितचे अवयव एकत्रित करण्याचे अभियान राबवले.
२०१० मध्ये अनुजितच्या सतर्कतेमुळे संभाव्य रेल्वे अपघात होण्यापासून बचाव झाला होता. त्यावेळी रेल्वे रुळावरील लोको पायलटला सतर्क करण्यासाठी अनुजित आणि त्याच्या मित्रांनी लाल बास्केट फिरवली. त्यामुळे अनेकांचे प्राण वाचवले होते.
अनुजितने एका खासगी उद्योगात ड्रायव्हर म्हणून काम केले आणि नंतर लॉकडाऊननंतर कोटाराकरा येथील सुपरमार्केटमध्ये सेल्समन म्हणून काम केले. त्याला तीन वर्षाचा मुलगा आहे. शवविच्छेदनानंतर त्याचा मृतदेह त्याच्या घरी नेण्यात येईल.
आणखी बातम्या...
नालासोपाऱ्यात रेल्वे स्थानकावर प्रवाशांचा उद्रेक, ट्रॅकवर उतरून गोंधळ
चीनविरोधात जागतिक आघाडी, अमेरिकेने घेतली अशी भूमिका
"मी म्हणजे ट्रम्प नाही..." उद्धव ठाकरेंच्या अनलॉक मुलाखतीचा प्रोमो रिलीज
"बंदीचे कठोर पालन करा, अन्यथा....", मोदी सरकारचा चिनी अ‍ॅप्स कंपन्यांना इशारा
Oxford नंतर चीनची लस होतेय यशस्वी, कोरोनाशी लढण्याची वाढवते ताकद...
सरकारी कर्मचार्‍यांसाठी खूशखबर! नाईट शिफ्ट केली तर आता असा होणार फायदा...