Karnataka Congress: बिहार विधानसभा निवडणुकीत काँग्रेसच्या खराब कामगिरीनंतर, केंद्रीय पातळीवर बैठकांचे सत्र सुरू आहे. अशातच, कर्नाटककाँग्रेसमधील अंतर्गत वाद पुन्हा चव्हाट्यावर आला आहे. मुख्यमंत्री सिद्धरामैया आणि उपमुख्यमंत्री डीके शिवकुमार यांच्यातील सत्तासंघर्ष बंगळुरुहून थेट दिल्लीपर्यंत पोहोचला आहे.
मिळालेल्या माहितीनुसार, डीके शिवकुमार यांचे निकटचे तीन आमदार आणि एक मंत्री गुरुवारी अचानक दिल्लीला पोहोचले आणि काँग्रेसचे राष्ट्रीय अध्यक्ष मल्लिकार्जुन खरगे यांची भेट घेतली. यामुळे राज्यात नेतृत्वबदलाच्या चर्चांना उधाण आले आहे.
सिद्धरामैया-डीकेंनी थोटपटले दंड
एकीकडे, मुख्यमंत्री सिद्धरामैयांनी पुढील वर्षीचा अर्थसंकल्प स्वतःच मांडणार असल्याचे जाहीर करून मुख्यमंत्रिपदावर कायम राहण्याचा स्पष्ट संदेश दिला आहे. तर दुसरीकडे डीकेंची एक पोस्ट सध्या चर्चेत आली आहे. 'जिकडे प्रयत्न, तिकडे फळ' अशा आशयाची पोस्ट शिवकुमारयांनी केली आहे. यामुळेच सत्ताबदलाच्या चर्चांना आणखी हवा मिळाली आहे.
सिद्धरामैया पद सोडणार?
काँग्रेसने 2023 मध्ये निवडणूक जिंकल्यानंतर मुख्यमंत्रिपद सिद्धरामैयांना दिले होते, तर डीके शिवकुमारांना उपमुख्यमंत्रिपदावर समाधान मानावे लागले. त्यावेळी अडीच-अडीच वर्षांचा फॉर्म्युला ठरल्याची चर्चा झाली होती. काल(गुरुवारी) सिद्धरामैया यांना अडीच वर्षे पूर्ण झाल्यामुळे, शिवकुमार गट मुख्यमंत्रिपदाची मागणी करत आहे. याच पार्श्वभूमीवर डीकेंचे निकटवर्तीय नेते दिल्लीला पोहोचले आहेत. आता काँग्रेस नेतृत्व काय निर्णय घेणार, हे पाहणे महत्वाचे ठरले.
Web Summary : Karnataka Congress faces internal strife as DK Shivakumar's post fuels leadership change rumors. MLAs met with party leaders in Delhi amid speculation about Siddaramaiah potentially stepping down after completing his term.
Web Summary : कर्नाटक कांग्रेस में आंतरिक कलह फिर से शुरू हो गई है क्योंकि डीके शिवकुमार के पोस्ट ने नेतृत्व परिवर्तन की अफवाहों को हवा दी है। सिद्धारमैया के कार्यकाल पूरा होने के बाद उनके संभावित इस्तीफे की अटकलों के बीच विधायकों ने दिल्ली में पार्टी नेताओं से मुलाकात की।