Ganderbal Encounter: जम्मू-कश्मीरमधील गांदरबल जिल्ह्यात सुरक्षा दल आणि दहशतवाद्यांमध्ये भीषण चकमक झाल्याची माहिती समोर आली आहे. या चकमकीत एक दहशतवादी ठार झाला असून, दहशतवादविरोधी मोहीम अजूनही सुरू आहे.
गांदरबलमध्ये रात्रभर चकमक
भारतीय सैन्याने बुधवारी (1 एप्रिल) सकाळी दिलेल्या माहितीनुसार, गांदरबल जिल्ह्यातील अरहामा परिसरात मंगळवारी रात्री संशयास्पद हालचालींची माहिती मिळाल्यानंतर सैन्य आणि जम्मू-कश्मीर पोलिसांनी संयुक्त शोधमोहीम सुरू केली. शोधमोहीमेदरम्यान जवानांना काही संशयित व्यक्तींची हालचाल दिसून आली.
जवानांनी त्यांना थांबण्याचा इशारा दिल्यानंतर त्यांनी सुरक्षा दलांवर गोळीबार सुरू केला. त्यानंतर सैन्यानेही प्रत्युत्तरादाखल कारवाई केली. या चकमकीत एक दहशतवादी ठार झाला असून, परिसरात दहशतवादविरोधी ऑपरेशन अजूनही सुरू असल्याची माहिती अधिकाऱ्यांनी दिली आहे.
पाकिस्तानचा भारतीय ड्रोनवर गोळीबार
दरम्यान, जम्मूच्या आंतरराष्ट्रीय सीमा क्षेत्रात पाकिस्तानकडून एका भारतीय 'रिमोटली पायलेटेड एअरक्राफ्ट'वर (RPA) गोळीबार झाल्याची घटना समोर आली आहे. मात्र, यामध्ये कोणत्याही प्रकारच्या नुकसानीचे वृत्त नाही. उपलब्ध माहितीनुसार, ज्या वेळी पाकिस्तानी बाजूकडून गोळीबार झाला, त्या वेळी भारतीय RPA आपल्याच हद्दीत नियमित टेहळणी मोहीम राबवत होते.
पाकिस्तानच्या कृतीमुळे तणाव वाढू शकतो
पाकिस्तानी सीमा दलांच्या या कृतीमुळे दोन्ही देशांमधील तणाव वाढण्याची शक्यता आहे. गेल्या वर्षी, दोन्ही देशांमध्ये हिंसक चकमकी घडल्या होत्या. पुलवामा हल्ला आणि पहलगाम दहशतवादी हल्ल्यापासूनच दोन्ही देशांमधील तणाव शिगेला पोहोचलेला आहे; अशा परिस्थितीत, चिथावणीची एखादी छोटीशी ठिणगीही मोठ्या युद्धाला तोंड फोडू शकते, ही बाब लक्षात घेता, पाकिस्तानची ही ताजी कृती अत्यंत बेजबाबदार मानली जात आहे.
Web Summary : A fierce encounter in Ganderbal, Jammu & Kashmir, resulted in one terrorist being killed. Security forces launched a joint operation after suspicious activity was reported. Anti-terrorism operations are ongoing in the area.
Web Summary : जम्मू-कश्मीर के गांदरबल में सुरक्षा बलों और आतंकवादियों के बीच भीषण मुठभेड़ में एक आतंकवादी मारा गया। संदिग्ध गतिविधियों की सूचना मिलने पर सुरक्षा बलों ने संयुक्त अभियान शुरू किया। इलाके में आतंकवाद विरोधी अभियान जारी है।