जयपूरमध्ये एक भीषण अपघात झाला आहे. नशेत असलेल्या एका डंपर चालकाने वेगाने गाडी चालवत आधी बाईकला जोरदार धडक दिली आणि नंतर रस्त्यावरील लोकांना आणि इतर वाहनांना चिरडलं. या घटनेचा सीसीटीव्ही व्हिडीओ आता समोर आला आहे, ज्यामध्ये डंपर वेगाने जात असल्याचं पाहायला मिळत आहे. हा अपघात इतका भीषण होता की डंपरखाली अनेक मृतदेह अडकले होते.
पोलिसांनी दिलेल्या माहितीनुसार, आतापर्यंत या अपघातात १९ जणांचा मृत्यू झाला आहे, तर १२ हून अधिक लोक गंभीर जखमी आहेत. जखमींना उपचारासाठी कांवटिया रुग्णालय आणि ट्रॉमा सेंटरमध्ये दाखल करण्यात आलं आहे. काहींची प्रकृती अत्यंत गंभीर असल्याचं डॉक्टरांचं म्हणणं आहे. काही वाईक डंपरखाली अडकल्या होत्या आणि त्यांना बाहेर काढण्यासाठी बराच वेळ लागला.
अपघाताची माहिती मिळताच स्थानिक लोकांनी आणि पोलिसांनी घटनास्थळी धाव घेतली आणि बचावकार्य सुरू केलं. घटनेनंतर रुग्णालयांमध्ये शोककळा पसरली. ट्रॉमा सेंटरच्या बाहेर मृतांच्या कुटुंबियांना आक्रोश पाहायला मिळाला. या अपघातानंतर रस्त्यावर भयंकर दृश्य होतं. सर्वांनाच यामुळे मोठा धक्का बसला आहे.
मुख्यमंत्री भजनलाल शर्मा यांनी कॅबिनेट मंत्री सुमित गोदरा आणि सुरेश सिंह रावत यांना अपघातानंतर तातडीने रुग्णालयात पाठवलं. त्यांनी जखमींना सर्वोत्तम उपचार देण्याच्या सूचना डॉक्टरांना दिल्या. ट्रॉमा सेंटरचे नोडल अधिकारी बीएल यादव यांनी सांगितलं की, सर्व जखमींवर उपचार सुरू आहेत आणि काहींना कांवटिया रुग्णालयात हलवण्यात आलं आहे.
Web Summary : A horrific accident in Jaipur involving a speeding dumper claimed 19 lives. The dumper, driven recklessly, hit a bike and crushed pedestrians. Injured are receiving treatment; the incident has sparked grief.
Web Summary : जयपुर में तेज़ रफ़्तार डंपर ने बाइक को टक्कर मारी और राहगीरों को कुचल दिया, जिसमें 19 लोगों की मौत हो गई। घायल अस्पताल में भर्ती हैं, घटना से शोक है।