लखनौमध्ये एका आयआरएस अधिकाऱ्याने त्याच्या सहकारी आयआरएस अधिकाऱ्याला मारहाण केल्याची धक्कादायक घटना समोर आली आहे. ऑफिसमध्येच तुफान राडा पाहायला मिळाला. जॉइंट कमिश्नर रँकच्या एका अधिकाऱ्याने IRS गौरव गर्ग यांच्या डोक्यावर ग्लास मारल्याचा आरोप आहे. गर्ग हे लखनौमध्ये आयकर विभागात असिस्टेंट कमिश्नर आहेत. दोन्ही अधिकाऱ्यांमध्ये बराच काळ वाद सुरू असल्याचं म्हटलं जात आहे. गौरव गर्ग यांच्या पत्नी रवीना त्यागी आहे. त्यागी या आयपीएस अधिकारी आहे. या प्रकरणी अद्याप कोणताही गुन्हा दाखल झालेला नाही.
हाणामारीत जखमी झालेल्या गौरव गर्ग यांना उपचारासाठी लखनौच्या सिव्हिल हॉस्पिटलमध्ये दाखल करण्यात आलं आहे. डॉक्टरांच्या मते, त्यांची प्रकृती आता बरी आहे. दोन्ही आयआरएस अधिकाऱ्यांमध्ये हाणामारी का झाली याचं नेमकं कारण अद्याप कळलेलं नाही. परंतु सूत्रांच्या माहितीनुसार, याआधीही दोन्ही अधिकाऱ्यांमध्ये अनेक वेळा वाद आणि बाचाबाची झाली आहे. आज हा वाद इतका वाढला की तो हाणामारीपर्यंत पोहोचला आणि नंतर हिंसक हल्ला झाला.
गौरव गर्ग हे २०१६ च्या बॅचचे आयआरएस अधिकारी
यूपी पोलिसांनी संबंधित अधिकाऱ्यांची चौकशी सुरू केली आहे. लखनौ सेंट्रल डीसीपी आशिष श्रीवास्तव यांनी दिलेल्या माहितीनुसार, आम्हाला या घटनेची माहिती देण्यात आली आहे. गौरव गर्ग हे २०१६ च्या बॅचचे आयआरएस अधिकारी आहेत. जशी तक्रार मिळेल त्यानुसार कारवाई केली जाईल याआधी लखनौच्या आयकर विभागातही अशीच घटना घडली आहे. समाजवादी पक्षाचे अध्यक्ष अखिलेश यादव यांनीही यावरून निशाणा साधला आहे.
सुरू आहेत उपचार
२०१६ बॅचचे आयआरएस अधिकारी गौरव गर्ग यांच्यावर त्यांच्याच विभागातील अधिकाऱ्याने हल्ला केला. आयआरएस गौरव गर्ग यांना उपचारासाठी लखनौ सिव्हिल हॉस्पिटलमध्ये आणण्यात आलं, जिथे त्यांच्यावर उपचार सुरू आहेत. माहिती मिळताच सिव्हिल हॉस्पिटलमध्ये अधिकाऱ्यांची गर्दी झाली. आयआरएस गौरव गर्ग यांच्या प्रकृतीची विचारपूस करण्यासाठी सरकारचे वरिष्ठ अधिकारी पोहोचले. भाजपाचे प्रदेशाध्यक्ष भूपेंद्र चौधरी आयआरएस अधिकारी गौरव गर्ग यांची प्रकृती जाणून घेण्यासाठी लखनऊ सिव्हिल हॉस्पिटलमध्ये त्यांची भेट घेतली.