अधिक मोठ्या घरांसाठी कर्जांवर व्याज अनुदान, प्रधानमंत्री आवास योजना; मध्यमवर्गीयांना लाभ

प्रधानमंत्री नागरी आवास योजनेखाली मध्यमवर्गीयांना घरासाठी घेतलेल्या कर्जावरील व्याज दरात अनुदान योजनेचा लाभ अधिक मोठ्या घरांसाठीही उपलब्ध करून देण्यास केंद्रिय मंत्रिमंडळाने गुरुवारी मंजुरी दिली.

नवी दिल्ली : प्रधानमंत्री नागरी आवास योजनेखाली मध्यमवर्गीयांना घरासाठी घेतलेल्या कर्जावरील व्याज दरात अनुदान योजनेचा लाभ अधिक मोठ्या घरांसाठीही उपलब्ध करून देण्यास केंद्रिय मंत्रिमंडळाने गुरुवारी मंजुरी दिली.
एमआयजी-१ वर्गातील घरांसाठीच्या ९ लाखांपर्यंतच्या कर्जाच्या व्याजात चार टक्के तर एमआयजी-२ मधील घरांच्या १२ लाखांपर्यंतच्या कर्जात ३ टक्के अनुदान मिळेल. अनुदानाचे प्रमाण, कर्जमर्यादा कायम ठेवून ते मोठ्या घरांसाठी लागू होईल. योजना ३१ मार्च २०१९ पर्यंत असेल.
किती वाढविली मर्यादा-
ंया योजनेखाली मध्यमवर्गांचे एमआयजी-१ व एमआयजी-२ असे दोन गटांत वर्गीकरण केलेले आहे. सहा ते १२ लाखापर्यंतचे वार्षिक उत्पन्न असलेले एमआयजी १ मध्ये तर १२ ते १८ लाखापर्यंत वार्षिक उत्पन्न असलेले एम आयजी-२ मध्ये येतात. पूर्वी एमआयजी-१ साठी या अनुदानासाठी घराचे कमाल आकारमान ९० चौ. मीटर तर एमआयजी-२ साठी तमाल ११० चौ. मी. ठरले होते. ते आता अनुक्रमे १२० व १५० चौ. मीटरपर्यंत वाढविण्यात आले आहे.
शिवाय घरांच्या आकारातील हा बदल ज्या दिवशी अनुदान योजना सुरु झाली त्या दिवसापासून म्हणजे यंदाच्या १ जानेवारीपासून पूर्वलक्षी प्रभावाने झाल्याचे मानले जाईल.