नवी दिल्ली- गेल्या दोन वर्षांमध्ये भारतीयरेल्वे स्थानकांचा चेहरा बदलण्यासाठी प्रयत्न सुरु झाले आहेत. त्यासाठी आदर्श रेल्वेस्थानक योजनेमध्ये देशभरातील विविध राज्यांतील काही स्थानके निवडण्यात आली आहे. रेल्वेराज्यमंत्री राजन गोहेन यांनी रेल्वेस्थानकांच्या विकासाबाबत लोकसभेत लेखी उत्तर सादर केले आहे.
या उत्तरात गोहेन यांनी देशात सर्वत्र चाललेल्या रेल्वेस्थानक विकासकामांची प्रगती दिली आहे. स्थानकांवर गरजांच्या आवश्यकतेनुसार व सध्या उपलब्ध असणाऱ्या सुविधांमध्ये वृद्धी करण्याच्या अनुषंगाने स्थानकांची निवड करण्यात आली आहे. आदर्श रेल्वे स्थानक योजनेत रेल्वेस्थानकांच्या आधुनिकीकरणासाठी वेगळा निधी देण्यात आलेला नाही. या योजनेमध्ये 1253 स्थानकांची निवड झाली असून पश्चिम बंगाल आणि उत्तर प्रदेशातील सर्वाधीक स्थानके या यादीत आहेत. प्रत्येक राज्यातील किती स्थानकांची निवड यासाठी झाली याची यादीही सादर करण्यात आलेली आहे.आंध्र प्रदेश- 46 स्थानकेआसाम- 28 स्थानकेबिहार- 59 स्थानकेछत्तिसगड- 17 स्थानकेदिल्ली- 4 स्थानकेगोवा- 2 स्थानकेगुजरात- 32 स्थानकेहरियाणा- 16 स्थानकेहिमाचल प्रदेश- 2 स्थानकेजम्मू आणि काश्मीर- 5 स्थानकेझारखंड- 29 स्थानकेकर्नाटक - 44 स्थानकेकेरळ- 75 स्थानकेमध्य प्रदेश - 44 स्थानकेमहाराष्ट्र- 108 स्थानकेनागालँड- 1 स्थानकओडिशा- 47 स्थानकेपुदुच्चेरी- 2 स्थानकेपंजाब- 32 स्थानकेराजस्थान- 40 स्थानकेतेलंगण- 25 स्थानकेतामिळनाडू- 50 स्थानकेत्रिपुरा- 1 स्थानकउत्तर प्रदेश- 152 स्थानकेउत्तराखंड- 8 स्थानकेपश्चिम बंगाल- 384 स्थानके