ठळक मुद्देहवाई दलाचे मिग -२१ बाइसन (A MiG-21 Bison) लढाऊ विमान कोसळले आहे. सुदैवाने या अपघातातून पायलट सुखरूप बचावला आहे.
राजस्थानमधील बाडमेर येथे मोठी दुर्घटना घडली आहे. येथे भारतीय हवाई दलाचे लढाऊ विमान कोसळले आहे. हवाई दलाचे मिग -२१ बाइसन (A MiG-21 Bison) लढाऊ विमान कोसळले आहे. सुदैवाने या अपघातातून पायलट सुखरूप बचावला आहे. प्रशिक्षणादरम्यान हे विमान कोसळल्याची माहिती मिळत आहे.
राजस्थानच्या बाडमेर जिल्ह्यापासून ३५ किमी दूर असलेल्या मातसर गावाजवळ संध्याकाळी ५ वाजताच्या सुमारास हवाई दलाचे मिग-२१ विमान कोसळले. प्राप्त माहितीनुसार, पायलट सुरक्षित आहे. बाडमेरचे पोलीस अधीक्षक आनंद शर्मा यांनी सांगितले की, मिग-२१ बाइसन क्रॅश झाल्याची माहिती मिळाली आहे. त्यानंतर पोलीस आणि प्रशासनाचे पथक घटनास्थळी दाखले झाले आहेत. अग्निशमन दलही घटनास्थळी आहे.