'ऑपरेशन सिंदूर'मध्ये भारताने पाकिस्तानचे F-16 विमानाचे नुकसान केले होते, अमेरिकेने त्यांची दुरुस्ती केली

२२ एप्रिल रोजी जम्मू आणि काश्मीरमधील पहलगाम येथे झालेल्या दहशतवादी हल्ल्यानंतर, भारतीय सैन्याने ७ मे रोजी पाकिस्तानी हद्दीतील दहशतवाद्यांच्या अड्ड्यांवर हल्ला करून प्रति-आक्रमण ऑपरेशन सिंदूर सुरू केले.

'ऑपरेशन सिंदूर'मध्ये भारताच्या हल्ल्यामुळे उद्ध्वस्त झालेल्या पाकिस्तानी हवाई दलात सुधारणा करण्याचे काम सुरू आहे. अमेरिकेने मदतीचा हात पुढे केल्याचे वृत्त आहे. या संदर्भात अद्याप अधिकृत माहिती देण्यात आलेली नाही. भारताच्या कारवाईत अनेक पाकिस्तानी F-16 विमानांचेही मोठे नुकसान झाल्याचे मानले जाते. पहलगाममधील दहशतवादी हल्ल्यानंतर, भारतीय लष्कराने पाकिस्तानी हद्दीतील दहशतवादी अड्ड्यांवर हल्ला केला.

मोठी बातमी! राज्यातील २४७ नगरपालिका, १४७ नगरपंचायतींसाठी आरक्षण जाहीर; कोण मिळवणार सत्तेची खुर्ची?

मिळालेल्या माहितीनुसार, भारतीय हल्ल्यांमध्ये पाकिस्तानच्या साब एरी २००० अवाक्स, लॉकहीड सी-१३० आणि किमान चार एफ-१६ लढाऊ विमानांचे नुकसान झाले. अनेक रडार सिस्टीम, कमांड अँड कंट्रोल युनिट्स आणि हवाई संरक्षण प्रणालींचेही नुकसान झाले. सर्वात मोठे नुकसान पाकिस्तानी हवाई दलाच्या भोलारी हवाई तळावर झाल्याचे वृत्त आहे, जिथे एक एफ-१६ विमान हँगरमध्ये उभे होते.

भोलारी हवाई तळावर तैनात असलेल्या एरी विमानाची नंतर अमेरिकन हवाई दलाच्या अभियंत्यांनी दुरुस्ती केली. दुरुस्ती आणि अपग्रेडसाठी गुप्त आपत्कालीन निधीतून ४०० ते ४७० दशलक्ष डॉलर्स मंजूर करण्यात आले होते. अमेरिकेने चीनला दुरुस्तीच्या कामात सहभागी होण्यापासून रोखल्याचेही त्यात म्हटले आहे.

पाकिस्तानने अमेरिकेकडे मागितली मदत

पाकिस्तानी लष्करप्रमुख फील्ड मार्शल असीम मुनीर यांनी अमेरिकेचे अध्यक्ष डोनाल्ड ट्रम्प यांच्याकडे मदतीची विनंती केली. त्यानंतर, अमेरिकेने दोहा येथील अल उदेद हवाई तळ, अबू धाबी येथील अल धाफ्रा आणि मेरीलँडमधील बेथेस्डा येथून विशेष पथके पाठवली. बहुतेक नुकसान दुरुस्त करण्यात आले असल्याचे सांगितले जात आहे.