गेल्या आठवड्याच्या अखेरीस अमेरिके आणि इस्राइलने सुरू केलेल्या हल्ल्यात इराणचे सर्वोच्च नेते अयातुल्लाह अली खामेनेई यांचा मृत्यू झाला होता. अमारिका आणि इस्राईलने इराणविरुद्ध सुरू केलेल्या युद्धाच्या सुरुवातीलाच खामेनेई यांचा मृत्यू झाल्याने जगभरात खळबळ उडाली होती. मात्र आखाती देशांमध्ये सुरू असलेल्या या संघर्षाबाबत भारताने मौन पाळले होते. तसेच खामेनेई यांच्या मृत्यूनंतर औपचारिकरीत्या श्रद्धांजली वाहणे किंवा इतर प्रतिक्रिया देणे टाळले होते. मात्र आता भारताचे परराष्ट्र सचिव विक्रम मिसरी यांनी नवी दिल्लीतील इराणच्या दूतावासात जात खामेनेई यांना श्रद्धांजली वाहिली आहे.
भारताचे परराष्ट्र सचिव विक्रम मिसरी यांनी आज नवी दिल्ली येथील इराणी दूतावासाला भेट दिली. यावेळी मिसरी यांनी इराणी दूतावासामधील शोक पुस्तिकेवर शोकसंदेश लिहून आणि स्वाक्षरी करून अयातुल्लाह अली खामेनेई यांना श्रद्धांजली वाहिली. मिसरी यांनी ही स्वाक्षरी भारत सरकारच्यावतीने केली. तसेच इराणबाबत आपली संवेदना आणि एकजुटता व्यक्त केली.
अयातु्ल्लाह अली खामेनेई हे १९८९ पासूनन इराणच्या सर्वोच्च नेतेपदी होते. दरम्यान, २८ फेब्रुवारी रोजी अमेरिका आणि इस्राइलने केलेल्या हवाई हल्ल्यात अयातुल्लाह अली खामेनेई यांचा मृत्यू झाला होता. खामेनेई यांच्या मृत्यूनंतर आखातामध्ये तीव्र संघर्षाचा भडका उडाला असून, सर्वोच्च नेत्याच्या मृत्युमुळे चवताळलेल्या इराणकडून आखाती देशांमधील अमेरिकेच्या लष्करी तळांसह इस्राइलवर जोरदार हल्ले सुरू आहेत.
Web Summary : After initial silence, India's Foreign Secretary Vikram Misri paid tribute to Iran's Supreme Leader Ayatollah Ali Khamenei at the Iranian embassy in New Delhi. This gesture signifies India's condolences and solidarity with Iran amidst regional conflict following Khamenei's death in alleged US-Israeli strikes.
Web Summary : शुरुआती चुप्पी के बाद, भारत के विदेश सचिव विक्रम मिसरी ने नई दिल्ली में ईरानी दूतावास में ईरान के सर्वोच्च नेता अयातुल्ला अली खामेनेई को श्रद्धांजलि अर्पित की। यह इशारा अमेरिका-इजरायल के हमलों में खामेनेई की मौत के बाद क्षेत्रीय संघर्ष के बीच ईरान के साथ भारत की संवेदना और एकजुटता को दर्शाता है।