कर्नाटकमधील उत्तर कन्नड जिल्ह्यामध्ये एका व्यक्तीला भारताच्या राष्ट्रध्वजासोबत छेडछाड केल्या प्रकरणी अटक करण्यात आली आहे. पोलिसांनी शनिवारी ही माहिती दिली. या व्यक्तीने भारताच्या राष्ट्रध्वजावर हिरव्या गुंबदाचा फोटो लावला होता. तसेच तो आपल्या घरावर फडकवला होता. गुंबदाचा फोटो मधोमध चिकटवला होता. तो पूर्णपणे अशोक चक्राला कव्हर करत होता.
सोशल मीडियावर या व्यक्तीच्या घराचे फोटो समोर आल्यानंतर पोलिसांनी ही कारवाई केली आहे. पोलिसांनी दिलेल्या माहितीनुसार भारताच्या राष्ट्रध्वजावर हिवगा गुंबद चिकटवण्यात आला होता. आरोपीची ओळख उमर फारुख अशी पटली आहे. फारुख हा सिरसी शहरातील रहिवासी असल्याचे सांगण्यात येत आहे. त्याच्याविरोधात आयपीसी कलम २ (भारतीय राष्ट्रध्वजाचा अवमान) अन्वये गुन्हा दाखल करण्यात आला आहे.
उत्तर कन्नडच्या पोलील अधीक्षकांनी सांगितले की, आरोपीविरुद्ध एफआयआर नोंद करण्यात आली आहे. तसेच आम्ही त्याला अटक केली आहे. याबाबत अधिक माहिती मिळवण्यासाठी पुढील तपास सुरू आहे.