(महत्त्वाचे) लाचखोर समाजकल्याण उपायुक्त जाळ्यात

(ल

ातूर व नांदेड महत्त्वाचे)
------------------------
पुण्यातील घटना : शिपायाकरवी घेतले दोन लाख रुपये

पुणे : दोन लाख रुपयांची लाच स्वीकारताना समाज कल्याण विभागातील प्रादेशिक उपायुक्त आणि शिपायास लाचलुचपत प्रतिबंधक विभागाच्या पथकाने मंगळवारी पकडले. माधव रखमा वैद्य यांची १३ दिवसांपूर्वीच उपायुक्तपदी नियुक्ती झाली होती.
नरहरी सोनबा तेली (४४) याच्याकरवी त्यांनी पैसे घेतले. नांदेड जिल्ह्यातील वसंतराव नाईक प्राथमिक आश्रमशाळेच्या अध्यक्षांनी त्यांच्याबाबत फिर्याद दिली होती. या शाळेतील चार प्राथमिक शिक्षक व स्वयंपाकी यांच्या पदांना मान्यता देऊन सेवेत सलग ठेवण्याबाबतच्या कागदपत्रांना मंजुरी देण्याचे अधिकार समाज कल्याण विभागाच्या लातूर उपायुक्त कार्यालयास होते. वैद्य यांची ४ जुलैला पुण्यात प्रादेशिक उपायुक्तपदी नियुक्ती झाली आहे. संबंधित शिक्षण संस्था चालकास त्यांनी मागील तारखेला प्रकरण मंजूर करण्याचे आमिष दाखविले. त्यासाठी त्यांनी २ लाख रुपयांची लाच मागितली होती. तेली यांच्याकरवी लाच स्वीकारली जात असताना येथील समाजकल्याण कार्यालयात सापळा रचून पथकाने तेली यास पकडले. (प्रतिनिधी)
--------------
कृषी अधिकारी जेरबंद
कृषी केंद्राचा परवाना नूतनीकरणासाठी दहा हजार रुपयांची लाच मागणारा यवतमाळ जिल्ह्यातील महागाव पंचायत समितीचा कृषी अधिकारी रोशन लक्ष्मण गुलाले आणि गणेश गायकवाड या दलालास एसीबी अधिकार्‍यांनी उमरखेडला मंगळवारी रंगेहात पकडले.