एचआयव्हीबाधित असलेल्या एका तरुणाने त्याच्या होणाऱ्या पत्नीला संक्रमित रक्ताचं इंजेक्शन टोचून संक्रमित केल्याची धक्कादायक घटना हैदराबादमधील पोछाराम येथे ही घटना घडली आहे. सदर तरुणाची एचआयव्ही टेस्ट पॉझिटिव आल्यानंतर मुलीच्या वडिलांनी त्याच्यासोबत ठरलेलं लग्न मोडलं होतं. त्यामुळे संतप्त झालेल्या या तरुणाने ११ मार्च रोजी होणाऱ्या पत्नीला एचआयव्हीबाधित रक्ताचं इंजेक्शन देऊन तिला बाधित करण्याचा प्रयत्न केला.
याबाबत पोलिसांनी दिलेल्या माहितीनुसार आरोपी तरुण आणि पीडित तरुणी हे एकमेकांचे नातेवाईक आहेत. तरुणीच्या आई-वडिलांनी तिचं लग्न या आरोपी तरुणासोबत ठरवलं होतं. मात्र या तरुणाचे आई-वडील एचआयव्ही बाधित असल्याने तरुणीच्या आई-वडिलांनी सदर तरुणाची एचआयव्ही चाचणी केली होती.
या चाचणीमध्ये सदर तरुण एचआयव्ही बाधित असल्याचे निष्पन्न झाले. त्यानंतर तरुणीच्या वडिलांनं हे लग्न रद्द केलं. मात्र यामुळे संतापलेल्या तरुणाने सदर तरुणीलाही एचआयव्ही बाधित केलं तर ती आपल्याशी लग्न करण्यास तयार होईल, असा विचार करून तिला एयआयव्ही बाधित रक्ताचं इंजेक्शन दिलं, अशी धक्कादायक माहिती पोलिसांनी दिली.
पोलिसांनी सांगितले की, ११ मार्च रोजी आरोपी तरुण पीडित तरुणीच्या घरी पोहोचला. तसेच तिला जबरदस्तीने एचआयव्हीबाधित रक्ताचं इंजेक्शन दिलं. या घटनेनंतर पीडित तरुणीच्या वडिलांनी पोलीस ठाण्यात धाव घेत सदर तरुणाविरोधात तक्रार दिली. त्यानंतर पोलिसांनी आरोपीविरोधात हत्येचा प्रयत्न केल्याच्या आरोपाखाली गुन्हा दाखल केला. तसेच त्याच्यावर अटकेची कारवाई केली.
Web Summary : Upset after his HIV status led to his wedding being cancelled, a man in Hyderabad injected his fiancee with HIV-infected blood. He hoped she would marry him if also infected. Police arrested him for attempted murder.
Web Summary : हैदराबाद में एचआईवी पॉजिटिव युवक ने शादी रद्द होने पर मंगेतर को संक्रमित खून का इंजेक्शन लगा दिया। उसने सोचा कि संक्रमित होने पर वह उससे शादी करेगी। पुलिस ने हत्या के प्रयास में उसे गिरफ्तार किया।