रामभक्तांच्या तब्बल ५०० वर्षांच्या प्रदीर्घ प्रतीक्षेनंतर अयोध्येत साकारलेल्या भव्य श्रीराम जन्मभूमी मंदिराच्या शिखरावर आज (२५ नोव्हेंबर २०२५) एक अत्यंत ऐतिहासिक क्षण अनुभवण्यास मिळणार आहे. पंतप्रधान नरेंद्र मोदी यांच्या हस्ते आज दुपारी मंदिराच्या शिखरावर 'भगवा ध्वज' फडकवण्यात येणार आहे. हा सोहळा कोट्यवधी रामभक्तांची श्रद्धा, संघर्ष आणि स्वप्नपूर्तीचे प्रतीक आहे.
या ऐतिहासिक सोहळ्यासाठी अयोध्या नगरीत जय्यत तयारी करण्यात आली असून, संपूर्ण देशभरात उत्सवाचे वातावरण आहे.पंतप्रधान नरेंद्र मोदी दुपारी १२ ते १२.३० वाजेच्या दरम्यान राम मंदिराच्या शिखरावर ध्वजारोहण करतील. रामध्वजा भगव्या रंगाची असून ती ११ फूट रुंद आणि २२ फूट लांब आहे. जमिनीपासून या ध्वजाची एकूण उंची १९१ फूट असेल, ज्यामुळे ती दूरूनही सहज दिसेल. या ध्वजावर भगवान श्री रामांच्या शौर्याचे प्रतीक असलेले तेजस्वी सूर्य, तसेच कोविदार वृक्षाच्या प्रतिमेसह 'ओम' हे अक्षर लिहिलेले आहे.
या महत्त्वपूर्ण सोहळ्याला सरसंघचालक मोहन भागवतांसह देशभरातील अनेक महत्त्वाचे मान्यवर उपस्थित राहणार आहेत. अयोध्या शहरातील अनेक भागांमध्ये आकर्षक विद्युत रोषणाई करण्यात आली. देशाच्या विविध भागांतून भाविक मोठ्या संख्येने अयोध्या नगरीत दाखल होत असल्याने शहरात मोठा उत्साहाचे वातावरण आहे. कोणत्याही अनुचित प्रकार घडू नये, यासाठी अयोध्या शहरात कडक पोलीस बंदोबस्त तैनात करण्यात आला आहे.
Web Summary : PM Modi will hoist a saffron flag atop the Ayodhya Ram Temple today. The 191-foot flag symbolizes faith and triumph after 500 years. Ayodhya is festive, with tight security and dignitaries present.
Web Summary : पीएम मोदी आज अयोध्या राम मंदिर के शिखर पर भगवा ध्वज फहराएंगे। 191 फीट ऊंचा ध्वज 500 वर्षों के बाद आस्था और विजय का प्रतीक है। अयोध्या में उत्सव का माहौल है, कड़ी सुरक्षा और गणमान्य व्यक्ति उपस्थित हैं।