Gujarat Election: मोठी बातमी! गुजरातच्या माजी मुख्यमंत्री-उपमुख्यमंत्र्यांसह 8 मंत्र्यांचा निवडणूक लढवण्यास नकार

Gujarat Election: गुजरातचे माजी मुख्यमंत्री विजय रुपाणी आणि उपमुख्यमंत्री नितीन पटेल यांनी पक्षाला नकार कळवला आहे.

Gujarat Election: गुजरातचे माजी मुख्यमंत्री विजय रुपाणी, माजी उपमुख्यमंत्री नितीन पटेल आणि भूपेंद्र सिंह चुडासामा आगामी विधानसभा निवडणूक लढवणार नाहीत. त्यांनी गुजरात भाजपचे प्रदेशाध्यक्ष सीआर पाटील यांना पत्र लिहून निवडणूक न लढवण्याची विनंती केली आहे. या सर्वांनी आपला निर्णय पक्षनेतृत्वालाही कळवला आहे. दुसरीकडे, विजय रुपाणी सरकारमध्ये मंत्री राहिलेले सौरभ पटेल आणि प्रदीप सिंह जडेजा यांचीही निवडणूक लढण्याची शक्यता कमी आहे. आतापर्यंत एकूण आठ माजी मंत्र्यांनी निवडणूक न लढवण्याची इच्छा व्यक्त केली आहे.

I worked as CM for 5 yrs with everyone's cooperation. In these polls, responsibility should be given to new workers. I won't contest the poll, I sent letter to seniors & conveyed it to Delhi. We'll work to make chosen candidate win: Ex-Guj CM Vijay Rupani #GujaratElections2022pic.twitter.com/buH88hZje8

— ANI (@ANI) November 9, 2022

सौरभ पटेल हे अंबानी कुटुंबाचे जावई आहेत. नरेंद्र मोदी सरकार आणि विजय रुपाणी सरकारमध्ये ते ऊर्जामंत्रीही राहिले आहेत. यावेळी ते निवडणूक लढवणार नाहीत. गुजरातमधील नरेंद्र मोदी, आनंदीबेन पटेल आणि विजय रुपाणी सरकारमधील कोणता मंत्री निवडणूक लढवणार याबाबत साशंकता कायम आहे. गुजरातमध्ये विधानसभा निवडणुकीचे बिगुल वाजले आहे. दोन टप्प्यात मतदान पार पडणार आहे. पहिल्या टप्प्यासाठी 1 डिसेंबरला तर दुसऱ्या टप्प्यासाठी 5 डिसेंबरला मतदान होणार आहे. तर निकाल 8 डिसेंबरला लागणार आहे.

#GujaratElections2022 | Former Deputy CM of Gujarat Nitin Patel to not contest upcoming Assembly elections.

(File Pic) pic.twitter.com/HSK2yoaoSW— ANI (@ANI) November 9, 2022

नवीन लोकांना संधी द्यावी : रुपाणी
गुजरातमध्ये 27 वर्षांपासून सत्तेत असलेला भाजप यावेळीही पुनरागमन करण्याच्या तयारीत आहे. भाजपचे बडे नेते गुजरातच्या निवडणुकीच्या रिंगणात उतरून जोरदार प्रचारात गुंतले आहेत. माजी मुख्यमंत्री विजय रुपाणी म्हणाले की, निवडणुकीत नव्या लोकांना, कार्यकर्त्यांना जबाबदारी दिली पाहिजे. मी निवडणूक लढवणार नाही. तसे पत्र दिल्लीला पाठवले आहे. केंद्रीय निवडणूक समिती जे काही उमेदवार निवडेल, त्यांना विजयी करण्याचा प्रयत्न करेल.

#GujaratElections2022 | I will not fight Assembly elections & have expressed it to senior leader of party. I've decided other workers should get opportunity. I've fought the elections 9 times till now. I express my gratitude to the party: Senior BJP MLA Bhupendrasinh Chudasama pic.twitter.com/FlUAUdmy3A— ANI (@ANI) November 9, 2022

हे मंत्री निवडणूक लढवणार नाहीत
राजकोट पश्चिम - विजय रूपाणी - मुख्यमंत्री 
मेहसाणा- नितीन पटेल - उपमुख्यमंत्री
वटवा - प्रदीप सिंह जडेजा - गृह मंत्री
ढोलका- भूपेंद्रसिंह चुडासमा- शिक्षण मंत्री
बोटाद- सौरभ पटेल- ऊर्जा मंत्री
भावनगर - विभावरी दावे - महिला आणि बालविकास मंत्री 
अहमदाबाद, ठक्कर बापानगर  - वल्लभ काकडिया - ट्रांसपोर्ट मंत्री 
जामनगर, कालावाड - आर सी फलदू - कृषी मंत्री