राज्यपालांची हकालपट्टी
By Admin | Updated: August 8, 2014 02:48 IST2014-08-08T02:48:37+5:302014-08-08T02:48:37+5:30
नरेंद्र मोदी गुजरातचे मुख्यमंत्री असताना त्यांच्याविरुद्ध दंड थोपटणा:या कमला बेनीवाल यांची मिझोरमच्या राज्यपालपदावरून उचलबांगडी करण्यात आल्यावरून राजकारण तापले आह़े
राज्यपालांची हकालपट्टी
मोदी सरकार म्हणते, सूडबुद्धीने कारवाई नाही
कारवाईमध्ये गैरवर्तन ठरला कळीचा मुद्दा
हरीष गुप्ता ल्ल नवी दिल्ली
नरेंद्र मोदी गुजरातचे मुख्यमंत्री असताना त्यांच्याविरुद्ध दंड थोपटणा:या कमला बेनीवाल यांची मिझोरमच्या राज्यपालपदावरून उचलबांगडी करण्यात आल्यावरून राजकारण तापले आह़े
बेनीवाल यांच्याविरुद्ध सूडबुद्धीने कारवाई केल्याचा आरोप विरोधकांनी केला आह़े मोदी सरकारने मात्र हा आरोप धुडकावून लावत, यामागे कुठलेही राजकारण नसल्याचे म्हटले आह़े प्रत्यक्षात सूत्रंच्या दाव्यानुसार, ‘गैरवर्तन’ या मुद्दय़ाची खातरजमा केल्यानंतरच राष्ट्रपतींनी बेनीवाल यांना हटविण्यास मान्यता दिली.
मोदी सरकारने बेनीवाल यांची गुजरातमधून मिझोरमच्या राज्यपालपदी नेमणूक केली होती़ मात्र कार्यकाळ संपण्यास उणोपुरे दोन महिने उरले असताना काल (बुधवारी) रात्री त्यांना अचानक बडतर्फ करण्यात आल़े याचे गुरुवारी तीव्र पडसाद उमटल़े
हे घटनात्मक पद आहे व सरकार बदलले तरी राज्यपाल हटवले जायला नको, असे सर्वोच्च न्यायालयाने अलीकडे म्हटले होत़े त्यामुळे बेनीवाल यांना बडतर्फ करण्याचा निर्णय न्यायालयाच्या आदेशाचा अवमान आहे, अशी टीका राजस्थान
प्रदेश काँग्रेसचे अध्यक्ष सचिन पायलट
यांनी केली.
मोदी आणि बेनीवाल
काँग्रेस नेत्या डॉ़ कमला बेनीवाल या मूळच्या राजस्थानच्या.गुजरातच्या राज्यपालपदी असताना लोकायुक्त नेमणुकीवरून तत्कालीन मुख्यमंत्री नरेंद्र मोदी व बेनीवाल यांच्या संबंधात कमालीची कटुता निर्माण झाली होती़
काय आहेत आरोप?
च्कमला बेनीवाल यांनी सरकारकडून जमीन मिळविताना पदाचा प्रभाव वापरल्याचा आरोप आहे. त्याबाबतच्या कागदपत्रंची खातरजमा स्वत: राष्ट्रपतींनी करून घेतली.
च्त्यासाठी त्यांनी अॅटर्नी जनरल मुकुल रोहटगी यांचा कायदेशीर सल्लाही घेतल्याचा सूत्रंचा दावा आहे. मात्र गुजरातच्या राज्यपालपदी असताना हवाई प्रवासावर साडेआठ कोटी रुपये खर्च केल्याच्या आरोपाची दखल राष्ट्रपतींनी घेतलेली नाही.
बेनीवाल यांची बडतर्फी हे सूडबुद्धीचे राजकारण आह़े - शरद पवार, राष्ट्रवादी काँग्रेस प्रमुख
राज्यपाल कमला बेनीवाल यांना बडतर्फच करायचे होते तर काही दिवस आधी मिझोरमचे राज्यपालपद त्यांना का दिले गेले?
- अजय माकन, काँग्रेसचे सरचिटणीस
बेनीवाल यांच्याविरुद्ध गंभीर आरोप आहेत़ त्याचमुळे केंद्र सरकारने कारवाई केली असून, ती पूर्णत: घटनात्मक आहे.
- एम़ वेंकय्या नायडू, भाजपा
राज्यघटनेच्या चौकटीतच बेनीवालांविरुद्ध कारवाई करण्यात आली आह़े सरकारला काही सांगायचे असेल तर ते संसदेत सांगू.
- रविशंकर प्रसाद, कायदामंत्री
