मुंबई - भारतच नाही तर जगातील सर्वात श्रीमंत व्यक्तींमध्ये गौतम अदानींचा समावेश होतो.जेव्हा उद्योग व्यवसायासंबंधी एखादी बातमी येते. किंवा श्रीमंतांच्या यादीत काही चढ उतार होतो, तेव्हा गौतम अदानींच्या नावाची चर्चा होते. त्याव्यतिरिक्त बातम्यांपासून दूर राहणेच ते पसंत करतात. मात्र हल्लीच ते चर्चेचा विषय ठरले आहेत. अदानी यांनी चार कोटी रुपयांची कार खरेदी केली आहे. ही कार दमदार आहे सोबतच तिचे फिचरसुद्धा जबरदस्त आहेत.
मीडिया रिपोर्ट्सनुसार गौतम अदानी यांनी लँड रोव्हरची रेंज रोव्हर एसयूव्ही खरेदी केली आहे. या गाडीची किंमत सुमारे ४ कोटी रुपये एवढी आहे. hottestcarsin नावाच्या पेजने इन्स्टाग्राम पोस्टमध्ये गौतम अदानी यांनी रेंज रोव्हर गाडीचे फोटो अपलोड केले आहेत. गौतम अदानी यांची ही कार पांढऱ्या रंगाची आहे. त्यांनी या गाडीच्या ऑटोबायोग्राफी ३.० डिझेल लॉन्ज-व्हीसेबल व्हेरिएंटला खरेदी केले आहे. हे या गाडीचं ७ सिटर व्हर्जन आहे.
रेंज रोव्हर ऑटोबायोग्राफी ३.० डिझेलमध्ये ३००० सीसीचं इनलायनर-६ डिझेल इंजिन देण्यात आलं आहे. हे इंजिन ३४६ बीएचपीची कमाल पॉवर आणि ७०० एनएमची पीक टॉर्क आऊटपुट देते. या खास व्हेरिएंटमध्ये ८-स्पीड ऑटोमॅटिक ट्रान्समिशन आणि फोर व्हील ड्राइव्ह सिस्टिम देण्यात आले आहेत.
बाहेरच्या बाजूने तुम्हाला डीआरएलसह एलईडी हेडलाइट आणि मोठे अलॉय व्हिल्स देण्यात आले आहेत. इंटिरियरमध्ये १३.१ इंच टचस्क्रिन, चार झोन क्लायमेट कंट्रोल हेड अप डिस्प्ले वायरलेस डिव्हाइस चार्जिंग आणि ३डी सराऊंड सिस्टिम देण्यात आली आहे. अदानींच्या ताफ्यात BMW 7-Series, Toyota Vellfire, Audi Q7, Ferrari California आणि Rolls-Royce Ghost सारख्या आलिशान गाड्याही आहेत.