मोठी बातमी! लंडनहून दिल्लीला आलेले ५ प्रवासी कोरोना पॉझिटीव्ह

एकूण २६६ प्रवासी या विमानामध्ये होते. या सर्वांची कोरोना चाचणी करण्यात आली होती

नवी दिल्ली
कोरोनाच्या नव्या स्ट्रेनने लंडनमध्ये धुमाकूळ घातलेला असताना सोमवारी रात्री लंडनहून दिल्लीला आलेल्या प्रवासी विमानातील ५ प्रवासी हे कोरोना पॉझिटीव्ह आढळले आहेत. या सर्वांना क्वारंटाइन करण्यात आलं आहे. 

एकूण २६६ प्रवासी या विमानामध्ये होते. या सर्वांची कोरोना चाचणी करण्यात आली होती. यातील ५ प्रवाशांचा अहवाल पॉझिटीव्ह आल्याने आता भारताची चिंता वाढली आहे. कारण, युरोपमध्ये सध्या कोरोनाच्या नव्या स्ट्रेनने हाहा:कार माजवला आहे. त्यामुळे संपूर्ण ब्रिटनमध्ये पुन्हा एकदा चतुर्थ श्रेणीचा कडक लॉकडाउन जाहीर केला आहे. 

Five out of 266 passengers & crew members of a flight which arrived at Delhi airport from London last night have tested positive for COVID-19. Their samples have been sent to NCDC for research & they have been sent to care centre: Nodal officer for COVID-19

— ANI (@ANI) December 22, 2020

भारतानेही ब्रिटनमधील भयावह परिस्थितीच्या पार्श्वभूमीवर लंडनमधून येणाऱ्या सर्व प्रवासी विमानांवर ३१ डिसेंबरपर्यंत बंदी घातली आहे. पण सोमवारी रात्री लंडनहून शेवटची ५ विमानं भारतात आली आहेत. यातील दिल्ली विमानतळावर उतरलेल्या विमानातील प्रवाशांपैकी ५ प्रवासी आता कोरोना संक्रमिक आढळले आहेत.