नवी दिल्ली - जागतिक चॅम्पीयन कुस्तीपटू आणि भाजपा नेता बबिता फोगाटने काँग्रेसवर निशाणा साधला आहे. बबितानेकाँग्रेसवर टीका करताना, काँग्रेस पक्षाची जेवढी जास्त पिछेहाट होईल, तितकाच आपल्या देशाचा विकास होईल, असे म्हटले आहे. दंगल गर्ल बबिताने आपल्या ट्विटर अकाऊंटवर ट्विट करत काँग्रेसला लक्ष्य केले. विशेष म्हणजे हे ट्विट तिने पीन टॅग करुन ठेवले आहे.
दंगल गर्ल बबिता फोगाट सध्या सोशल मीडियातून चांगलीच चर्चेत आहे. आपल्या ट्विटर अकाऊंटवरुन देशातील विविध घटनांबद्दल ती आपलं मत व्यक्त करत असते. सध्या, बॉलिवूडमधील नेपोटीजमवर बोलणाऱ्या कंगना रनौतचं मोठं कौतुक बबिताने केलं आहे. क शेरनी सब पर भारी पड़ती दिखाई दे रही है, असे म्हणत कंगनाने मुलाखतीतून बॉलिवूडमधील खळबळजनक खुलाशांचं बबिताने कौतुक केलं. तर, यापूर्वी पंतप्रधान नरेंद्र मोदींच्या भाषणानंतरही बबिताने मोदींच्या भाषणाचं कौतुक केलं होतं. पंप्रधान नरेंद्र मोदींनी कोरोना आणि लॉकडाऊनमुळे कोलमडलेल्या अर्थव्यवस्थेला उभारी देण्यासाठी २० लाख कोटी रुपयांची विशेष आर्थिक योजना घोषित केली. मोदींची ही घोषणा म्हणजे अखेरच्या चेंडूवर मारलेला षटकार, अशी प्रतिक्रिया बिबताने दिली होती.
सध्या राजस्थानमधील काँग्रेसमधील अंतर्गत कलह आणि तेथील सरकार वाचविण्यासाठी काँग्रेसने केलेल्या शर्थीच्या प्रयत्नानंतर भाजपा आणि काँग्रेसमध्ये शाब्दीक वार सुरु आहे. राहुल गांधींकडून भाजपाला लक्ष्य करण्यात येत आहे. तर, भाजपा नेतेही राहुल गांधींवर टीका करत आहेत. त्यातच, बबिताने आपल्या ट्विटर अकाऊंटवरुन काँग्रेस पक्षावर टीका केली.
कांग्रेस जितनी पीछे जाएगीदेश उतना ही आगे जाएगा
असे ट्विट बबिताने केले आहे, बबिताच्या या ट्विटवर अनेक संमिश्र प्रतिक्रिया पाहायला मिळत आहेत.