घरबसल्या मालामाल होण्याची सुवर्णसंधी! 1 रुपयाची नोट मिळवून देणार तब्बल 45 हजार; जाणून घ्या, कुठे आणि कसं? 

Earning 45 Thousand Rupees From 1 Rs Old Note : 1 रुपयाची नोट विकून तुम्हाला हजारो रुपये कमवण्याची सुवर्णसंधी आहे. भारत सरकारकडून ही एक रुपयाची नोट चलनातून बंद करण्यात आली असली, तरी आता मात्र बाजारात याची किमत हजारोंच्या घरात आहे.

नवी दिल्ली - जुनी नाणी, नोटा जपून ठेवायची अनेकांना आवड असते. विविध प्रकारचे कॉईन्स आणि नोटा जमवण्याचा अनेकांना छंद असतो. सध्या पैशाचे व्यवहार करतान नोटा या हमखास वापरल्या जातात. नाणी जास्त वापरली जात नाहीत. मात्र आता अवघ्या एक रुपयाची नोट तुम्हाला मोठी रक्कम मिळवून देणार आहे. 1 रुपयाची नोट विकून तुम्हाला हजारो रुपये कमवण्याची सुवर्णसंधी आहे. भारत सरकारकडून ही एक रुपयाची नोट चलनातून बंद करण्यात आली असली, तरी आता मात्र बाजारात याची किमत हजारोंच्या घरात आहे. 

ऑनलाईन प्लॅटफॉर्मवर 1 रुपयाच्या नोटेची तब्बल 45 हजार रुपयांना विक्री होत आहे. मात्र या नोटवर 1957 मध्ये गव्हर्नर एचएम पटेल यांची सही असायला हवी. तसेच या नोटेचा सिरीयल नंबर 123456 आहे. या एक रुपयाच्या नोटेची Coinbazzar वेबसाईटवर विक्री होत आहे. येथे जुन्या 1 रुपयाच्या बंडलची मूळ किंमत 49,999 रुपये आहे. डिस्काउंटनंतर वेबसाईटने किंमत 44,999 रुपये इतकी ठरवली आहे. यासाठी या वेबसाईटच्या शॉप सेक्शनमध्ये (Shop Section) जावं लागेल. त्यानंतर "नोट बंडल" कॅटेगरीमध्ये गेल्यानंतर येथे संपूर्ण डिटेल्स पाहायला मिळतील.

26 वर्षांपूर्वी भारत सरकारने ही एक रुपयाची नोट चलनातून बंद केली होती. 1 जानेवारी 2015 मध्ये याची छपाई पुन्हा सुरू झाली. अनेकांकडे या नोटा अद्यापही आहेत. ज्या वर्षातील नोट हवी आहे, ती येथे खरेदी करता येऊ शकते. या ऑनलाईन प्लॅटफॉर्मवर एक नोट अशीही आहे, जी भारत स्वातंत्र्य होण्यापूर्वीची आहे आणि याची बोली सात लाख रुपयांपर्यंत लावण्यात आली आहे. अशाप्रकारच्या जुन्या नोटा तुमच्याकडेही असतील, तर तुम्हीही मोठी रक्कम कमावू शकता. अनेक वर्षांपूर्वीची 1, 10, 100 आणि 500 रुपयांच्या नोटांची ऑनलाईन बाजारात हजारो-लाखोंमध्ये विक्री होत आहे.

कुठे आणि कसं विकायचं नाणं?

जुनी नाणी किंवा नोटांच्या लिलावासाठी तुम्ही OLX प्लॅटफॉर्मवर चेक करू शकता. येथे जुन्या नोटांची विक्री होते. या प्लॅटफॉर्मवर लॉगइन आयडी बनवावा लागेल. लिलावासाठी तुमच्याकडे असलेल्या नोटेचा फोटो देखील शेअर करावा लागेल. सोशल मीडियावर व्हायरल होत असलेल्या काही पोस्टमध्ये India Mart वर देखील अशा प्रकारचा लिलाव होत असल्याचं म्हटलं आहे. मात्र इंडिया मार्टने अशा प्रकारचा कुठलाही लिलाव आपल्या साईटवर होत नसल्याची माहिती दिली आहे. अनेक लोक अँटिक सामानाचीही खरेदी करतात. तर काही लोकांना जुन्या नोटांचा संग्रह करण्याची आवड असते. ते अशा नोटांचा शोध घेत असतात. एका हिंदी वेबसाईटने याबाबतचे वृत्त दिले आहे.