Pradhan Mantri Kisan Samman Nidhi Yojana: पंतप्रधान नरेंद्र मोदी यांनी देशातील 9 कोटी शेतकऱ्यांच्या खात्यामध्ये 17100 कोटी रुपयांचा पंतप्रधानशेतकरी सन्मान योजनेचा सहावा हप्ता भरला आहे. जर तुमचे नाव या योजनेसाठी रजिस्टर असेल आणि जर तुमच्या खात्यामध्ये पैसे आले नसतील तर खाली सांगितलेल्या पद्धतीने तक्रार दाखल करू शकता.
PM Kisan Samman Nidhi Yojana अंतर्गत वर्षाला शेतकऱ्यांच्या खात्यात 2000 रुपयांचे 3 हप्ते पाठविले जातात. अशाप्रकारे 6000 रुपये थेट शेतकऱ्यांच्या खात्यात पोहोचतात. काही शेतकरी या योजनेत आहेत परंतू काही तांत्रिक अडचणींमुळे त्यांना हे पैसे मिळत नाहीत. असे लोक सरकारने दिलेल्या हेल्पलाईनवर तक्रार नोंदवू शकतात.
शेतकरी पीएम किसान सम्मान निधि योजनेची (PM Kisan Samman Nidhi Yojana) हेल्पलाईन (PM-Kisan Helpline No. 155261) किंवा 1800115526 (Toll Free) किंवा 011-23381092 वर तक्रार करू शकता. यासह ई-मेल आयडी (pmkisan-ict@gov.in) वरही तक्रार करता येते.
अशाप्रकारे तपासा....
- प्रधानमंत्री किसान सम्मान निधि योजनेची अधिकृत वेबसाईट https://pmkisan.gov.in/ वर जावे.
- वेबसाईटच्या उजव्या बाजुला दिलेल्या 'Farmers Corner' वर क्लिक करावे.
- 'Farmers Corner' च्या खालीच ‘Beneficiary Status' चा ऑप्शन आहे. यावर क्लिक करावे.
- यावर क्लिक केल्यावर एक नवीन पेज ओपन होईल. जिथे तुम्हाला तुमचा आधार क्रमांक, बँक खाते क्रमांक किंवा मोबाईल नंबर टाकावा लागेल.
- यानंतर 'Get Data' वर क्लिक केल्यास सर्व माहिती येणार आहे.
ही प्रक्रिया पूर्ण झाल्यावर जर तुम्हाला पेजवर 'FTO is generated and Payment confirmation is pending’ अशी माहिती दिसली तर याचा अर्थ तुमच्या खात्यामध्ये 2000 रुपयांचा हप्ता जाण्याची प्रक्रिया सुरु झाली आहे. जो काही दिवसांत तुम्हाला मिळणार आहे.
अन्य महत्वाच्या बातम्या...
BOI Recruitment 2020 : बँक ऑफ इंडियात नोकरीची संधी; अर्जासाठी राहिलेत फक्त काही तास
TATA कंपनीला ब्रिटिशांचा 'टाटा'; मिळणार नाही बेलआऊट पॅकेज
भयावह! देशात कोरोनाबळींचा आकडा 50000 समीप; दिवसभरात 63 हजार नवे रुग्ण
मैदान सोडलय, क्रिकेट नाही! धोनीच्या नव्या कंपनीचे मुंबईत ऑफिस; कानोकान खबर नाही
चीनला दणका! अमेरिका तैवानला देणार लढाऊ विमानांची फौज
SBI मध्ये विनापरीक्षा नोकरीसाठी अर्ज केला का? आज शेवटचा दिवस
Independence Day : मुलींचे लग्नाचे वय बदलणार; पंतप्रधानांनी लाल किल्ल्यावरून दिले संकेत