आल्हाददायक : देशात यंदा पाऊस वेळेवर आणि भरपूर!

कोरोनामुळे हवालदिल झालेल्या देशवासीयांसाठी हवामान खात्याची शुभवार्ता

नवी दिल्ली : कोरोनाच्या भीषण संकटाने देश हवालदिल झालेला असतानाच यंदा नैऋत्य मोसमी पाऊस भारतात ठरल्यावेळी येईल आणि भरपूर कोसळेल, अशी शुभवार्ता हवामान खात्याने बुधवारी दिली. यामुळे समस्त देशवासीय विशेषत: शेतकऱ्यांना मोठा दिलासा मिळाला आहे.साधारणपणे ७ जूनला पावसाला सुरुवात होणाºया महाराष्ट्रात मात्र केरळहून निघालेला पाऊस पोहोचायला तीन ते सात दिवसांचा उशीर होऊ शकेल, असेही म्हटले आहे. हवामान खाते पावसाचे दीर्घकालीन अंदाज एप्रिल व जून असे दोन वेळा वर्तविते. ‘लॉकडाउन’मुळे प्रत्यक्ष पत्रकार परिषद न घेता भूविज्ञान खात्याचे सचिव डॉ. एम. राजीवन व हवामान खात्याचे महासंचालक डॉ. एम. मोहपात्रा यांनी आॅनलाइन ब्रीफिंग घेत यंदाचे पहिले भाकीत जाहीर केले. यंदा नैर्ऋत्य मोसमी पाऊस ठरल्या वेळी म्हणजे येत्या १ जून रोजी भारतीय उपखंडाच्या अगदी दक्षिणेकडे केरळ किनाºयावर दाखल होईल व त्यानंतर सप्टेंबरपर्यंतच्या चार महिन्यांत देशभर दीर्घकालीन सरासरीच्या १०० टक्के म्हणजे भरपूर पाऊस पडेल, असा अंदाज त्यांनी जाहीर केला.३ ते ७ दिवसांचा विलंबकेरळमध्ये वेळेवर आला तरी देशांतर्गत भागात तो थबकत थबकत विलंबाने पसरतो असा अनुभव आहे. त्यानुसार महाराष्ट्र, गुजरात, मध्य प्रदेश, छत्तीसगढ, तेलंगण, आंध्र प्रदेश, ओदिशा, झारखंड, बिहार व उत्तर प्रदेशच्या काही भागांत पावसाच्या आगमनाला तीन ते सात दिवसांचा विलंब होऊ शकेल. राजस्थानच्या काही भागात मात्र तो अपेक्षित तारखेहून आठवडाभर लवकर म्हणजे ८ जूनपर्यंतच पोहोचेल.असा येईलपाऊसपुणे १० जूनमुंबई ११ जूनअहमदनगर १२ जूनसातारा १२ जूनकोल्हापूर १२ जूनजळगाव १३ जूननागपूर १५ जून