स्थगित IPL सामने आयोजनाचा निर्णय लवकरच - शुक्ला

यासाठी आम्हाला स्पर्धा पूर्ण करण्याची कधी संधी मिळेल, तेदेखील पाहावे लागेल. तूर्तास सामने स्थगित करून एक चांगला निर्णय घेतला आहे

आयपीएलचे स्थगित झालेले सामने पुन्हा कधी सुरू होणार? याविषयी चर्चा सुरू झाली असताना बीसीसीआयचे उपाध्यक्ष राजीव शुक्ला यांनी यासंदर्भात सूतोवाच केले. ते म्हणाले, ‘आम्ही लवकरच भेटणार असून स्थगित करण्यात आलेले सामने पूर्ण कधी करता येतील, त्याविषयी निर्णय घेतला जाईल.

यासाठी आम्हाला स्पर्धा पूर्ण करण्याची कधी संधी मिळेल, तेदेखील पाहावे लागेल. तूर्तास सामने स्थगित करून एक चांगला निर्णय घेतला आहे. ही स्पर्धा पुन्हा सुरू करण्याबाबत किंवा पुन्हा नियोजन करण्याबाबत नंतर निर्णय घेतला जाईल. देशातली कोरोनाची परिस्थिती लक्षात घेता खेळाडू आणि सपोर्ट स्टाफसाठी हा निर्णय हितकारक आहे,’ असे शुक्ला यांनी ट्विट केले.