बंगालच्या उपसागरात निर्माण झालेलं 'अम्फान सुपर सायक्लोन' हे चक्रीवादळ अखेर पश्चिम बंगालच्या किनाऱ्याला धडकलं आहे. या चक्रीवादळामुळे किनाऱ्यालगत असणारे अनेक घरं जमीनदोस्त झाले आहे. पश्चिम बंगालच्या मुख्यमंत्री ममता बॅनर्जी यांनी याच पार्श्वभूमीवर अम्फान चक्रीवादळाचा धोका असणाऱ्या परिसरातील लोकांना सुरक्षित ठिकाणी हलवले होते.
पश्चिम बंगालच्या दीघा आणि ओडिशाच्या पारदीप किनाऱ्यावर बुधवारी सकाळपासून जोरदार वाऱ्यासहीत पाऊस सुरू आहे. मात्र आता अम्फाननं भयंकर वेग घेतला आहे. पश्चिम बंगालच्या दीघा आणि ओडिशाच्या पारदीप किनाऱ्यावर अम्फान धकडल्यानंतर किनाऱ्यालगत असणाऱ्या घरांच मोठं प्रमाणात नुकसान झालं आहे. तसेच रस्त्यावरील विद्युत तार, झाडं उखडून पडले आहेत. दूपारी २.३० वाजताच्या सुमारास सुरु झालेलं हे च्रकीवादळ तब्बल ४ तास सुरु राहिल असं हवामान खात्याकडून सांगण्यात आले आहे.