नवी दिल्लीः देशात लॉकडाऊन असल्यानं हातावर पोट असणाऱ्या मजुरांचे हाल झाले आहेत. अनेकांवर रोजगार नसल्यानं उपासमारीची वेळ आली आहे. विशेष म्हणजे सोन्याचे दागिने गहाण ठेवून तृतीयपंथीयांनी अशाच १००० कुटुंबांना धान्य दिलं आहे. तृतीयपंथी नूरी कंवरने पुढाकार घेत हे समाजोपयोगी कार्य केलं आहे. एकदा तृतीयपंथीय नूरी कंवरनं शेजारील मुलाच्या रडण्याचा आवाज ऐकला आणि ती तिकडे धावत गेली. त्यावेळी ती आई मुलगा जेवण मागत होता म्हणून त्याला मारत होती. त्या गोरगरीब कुटुंबांकडे धान्य घ्यायलासुद्धा पैसे नव्हते. तेव्हा आता गोरगरिबांना मदत करायची, असा ठाम निश्चय तृतीयपंथीय असलेल्या नूरी कंवरनं केला. ७०० गरीब कुटुंबांना दिले जेवणगुजरातमधील बडोदा शहरात राहणा-या नूरीने लॉकडाऊनच्या पहिल्या टप्प्यात घराजवळ राहणाऱ्या किन्नर सदस्यांना मसूर, पीठ, तांदूळ, साखर, तेल, मसाले इत्यादी पोहोचवलं होतं. याशिवाय नुरीच्या शिष्यांनी ७०० गरीब कुटुंबांच्या घरी शिजवलेले अन्नसुद्धा पुरवलं होतं. इतकेच नव्हे तर नुरीने स्वत: चा आणि आपल्या बहिणींचा फोन नंबर स्थानिक झोपडपट्टीतील लोकांना दिला आणि सांगितले की, जेव्हा जेव्हा त्यांच्या घरी अन्न संपेल तेव्हा मला कळवा.सोन्याचे दागिने ठेवले गहाण सर्व मांगलिक कामे आणि रेल्वे गाड्या बंद असल्यामुळे तृतीयपंथीयांच्या उत्पन्नावरही गदा आली आहे. परंतु तरीही बडोद्याचा या तृतीयपंथीय समुदाय गरजूंना मदत करण्यासाठी सर्वतोपरी प्रयत्न करीत आहे. नूरी म्हणतात की, त्यांनी लोकांच्या घरात अन्न पोहोचवण्यासाठी सोन्याच्या दागिने गहाण ठेवले. बर्याच वर्षांपासून पैसे वाचवताना, स्वत: साठी एक हार बनविला होता, तो तारण ठेवावा लागला आहे. सोन्याचा हार हौसेखातर बनवला होता, पण माझ्याकडे संपूर्ण आयुष्य आहे, त्यामुळे हार कधीही सोडवता येईल. मात्र मला लोकांना उपाशीपोटी मरण्यापासून वाचवायचे आहे.
अन्य महत्त्वाच्या बातम्या
पुण्यातील गोल्डमॅनचं हृदयविकाराच्या धक्क्यानं निधन
CoronaVirus News: कोरोनावरील जगातील पहिली लस तयार; विषाणूचा कहर झेललेल्या 'या' देशाचा दावा
CoronaVirus News: लॉकडाऊन इफेक्ट; देशात १२.२ कोटी लोकांनी गमावला रोजगार
CoronaVirus News: पंतप्रधान नरेंद्र मोदी सुपर ह्यूमन, ऑस्ट्रेलियाच्या राजदूतांनी उधळली स्तुतिसुमनं
CoronaVirus News: "श्रीमंतांच्या मुलांना तपासणीशिवाय राज्यात घेता, मग मजुरांना का नाही?"
Excise duty hike: मोदी सरकारकडून पेट्रोलवर 10 रुपये अन् डिझेलवर 13 रुपयांच्या एक्साइज ड्युटीत वाढ