नवी दिल्ली : देशात गुरुवारी कोरोनाचे ६६,९९९ नवे रुग्ण आढळून आले, ही एका दिवसात आढळलेली सर्वाधिक रुग्णसंख्या आहे. या आजाराच्या एकूण रुग्णांची संख्या २३ लाख ९६ हजारांपेक्षा अधिक झाली आहे. कोरोनामुळे आणखी ९४२ जण मरण पावले असून, त्यांची एकूण संख्या ४७,०३३ झाली आहे. या संसर्गाने मरण पावणाऱ्यांचे प्रमाण घटून ते आता १.९६ टक्क्यावर आले आहे.6,53,622रुग्णांवर उपचार सुरू असून, त्या तुलनेत बरे झालेल्यांची संख्या दुपटीहून अधिक म्हणजे16,95,982इतकी आहे. केंद्रीय आरोग्य खात्यानुसार देशात कोरोना रुग्णांची एकूण संख्या23,96,637आहे. यातून पूर्णपणे बरे होणाऱ्यांचे प्रमाण ७०.७७ टक्के झाले. देशात ७ आॅगस्ट रोजी कोरोना रुग्णांची संख्या २० लाखांवर होती.१२ दिवसांत (बुधवारपर्यंत) देशात6,33,650नवे कोरोना रुग्ण आढळूनआले होते. गेल्या आठवड्यातदररोज सरासरी58,000नवे रुग्ण सापडले आहेत व या कालावधीत हे प्रमाण जगभरात सर्वाधिक आहे.कोरोना रुग्णांच्या संख्येनुसार क्रमवारीत जगात भारत तिसºया क्रमांकावर आहे. पहिल्या क्रमांकावर अमेरिका, तरदुसºया क्रमांकावर ब्राझील आहे.2.68कोटींवर चाचण्याइंडियन कौन्सिल फॉर मेडिकल रिसर्च (आयसीएमआर) या संस्थेने दिलेल्या माहितीनुसार १२ आॅगस्ट रोजी ८,३०,३९१ कोरोना चाचण्या करण्यात आल्या. त्यामुळे आता कोरोना चाचण्यांची एकूण संख्या २,६८,४५,६८८ झाली आहे.
CoronaVirus News:देशात एका दिवसात आढळले कोरोनाचे ६६,९९९ नवे रुग्ण
By ऑनलाइन लोकमत | Published: August 14, 2020 2:42 AM