महाराष्ट्रात काँग्रेस भुईसपाट - पंतप्रधान मोदी

उत्तर प्रदेशात जनतेला संबोधित करताना पंतप्रधान मोदी यांनी महाराष्ट्रातील महापालिका निवडणुकांतील भाजपाच्या यशाचा दाखला देत काँग्रेसवर हल्लाबोल केला.

ऑनलाइन लोकमत

गोंडा (उत्तर प्रदेश), दि. 24 - पंतप्रधान नरेंद्र मोदी यांनी उत्तर प्रदेशातील गोंडा येथे पुन्हा एकदा काँग्रेस मुक्त भारताचा नारा दिला. यावेळी जनतेला संबोधित करताना पंतप्रधान मोदी यांनी महाराष्ट्रातील महापालिका निवडणुकांतील भाजपाच्या यशाचा दाखला देत काँग्रेसवर हल्लाबोल केला.

 

'महाराष्ट्र महापालिका निवडणुकांचे निकाल लागले. यात काँग्रेस कुठेच दिसत नाही, काँग्रेसला हद्दपार केले', राज्यातील भाजपाच्या यशाचे कौतुक करत मोदींनी दुसरीकडे काँग्रेसवर हल्लाबोल केला आहे.  

(मुंबईत शिवसेना-भाजपाला एकत्र येण्यावाचून पर्याय नाही - गडकरी)

(तेलंगणच्या मुख्यमंत्र्यांकडून 5 कोटी सोन्यानंतर आता सोन्याची मिशी अर्पण)

(...म्हणून गुजराती समाजाने नाकारले शिवसेनेला)

 

'गेल्या तीन महिन्यांत जिथे-जिथे निवडणुका झालेल्या आहेत तिथे-तिथे भाजपाची ताकद असो-नसो तेथे जनतेने भाजपाला विजय मिळवून दिला आहे. जनतेच्या समर्थनामुळे आम्हाला सत्तेची नशा चढत नाही तर जनतेसाठी आम्हाला काम करण्याची प्रेरणा मिळते. मी देशलुटारुंना सोडणार नाही. 70 वर्षांपर्यंत गरीबांकडून जे लुटण्यात आले आहे, ते त्यांना पुन्हा मिळवून द्यायची माझी इच्छा आहे. आम्ही देशातील सर्वसामान्यांच्या आयुष्यात बदल घडवून आणण्यासाठी काम करत आहोत', असे आश्वासनही यावेळी पंतप्रधान मोदींनी जनतेला दिले आहे.