माझ्या कुटुंबाला त्रास दिला जातोय, ईडीच्या छापेमारीबाबत रॉबर्ट वाड्रा यांचा गंभीर आरोप

सोनिया गांधी यांचे जावई रॉबर्ट वाड्रा यांनी केंद्र सरकारवर गंभीर आरोप केले आहे.

ठळक मुद्देईडीच्या कारवाईबाबत रॉबर्ट वाड्रा यांनी उपस्थित केले प्रश्नचिन्हमाझ्या परिवारालाही दिला जातोय त्रास - रॉबर्ट वाड्रामाझ्यावरील सर्व आरोप राजकीय हेतूनं प्रेरित - रॉबर्ट वाड्रा

नवी दिल्ली -  सोनिया गांधी यांचे जावई रॉबर्ट वाड्रा यांनी केंद्र सरकारवर गंभीर आरोप केले आहे. अंमलबजावणी संचालनालयानं (ईडी) मारलेल्या छापेमारीबाबत रॉबर्ट वाड्रा यांनी बुधवारी प्रतिक्रिया दिली आहे. ''गेल्या पाच वर्षांपासून मला त्रास दिला जात आहे. ईडीच्या अधिकाऱ्यांनी माझे मंदिरदेखील उद्धवस्त केले. या सर्व कारणांमुळे माझ्या कुटुंबाला आणि मुलांनाही त्रास सहन करावा लागत आहे'', असे वाड्रा यांनी म्हटले आहे.  

वाड्रा पुढे असंही म्हणाले की, माझ्यावर लावण्यात आरोप निराधार असून हे आरोप केवळ राजकीय हेतूनं प्रेरित आहेत. मी प्रत्येक नोटीसचे उत्तप दिलेले आहे. मग विनाकारण मला आणि माझ्या कुटुंबाला त्रास का दिला जात आहे. मी प्रत्येक चौकशीला सहकार्यही केलेले आहे. पण छापेमारीदरम्यान माझं ऑफिसदेखील तोडण्यात आले. 

''हे प्रकरण जवळपास 7-8 वर्षांपासून सुरू आहे. मात्र गेल्या पाच वर्षांमध्ये समस्या अधिक वाढल्या आहेत. आतापर्यंत जेवढ्या नोटिसा बजावण्यात आल्या आहेत, त्या सर्वांना उत्तर दिलेले आहे. ईडीनं जे काही विचारलंय त्याचं योग्य-योग्य उत्तर दिले आहे. मी कुठेही पळून जाणार नाही. मी या देशातच राहणार आहे'', असेही वाड्रा यांनी स्पष्ट केले.

#WATCH: "I haven't done any wrong. We are not above the law, we are very much with the law. I am an Indian citizen and I am not running away anywhere," says Robert Vadra on ED raids. pic.twitter.com/nnrvEK4nZs

— ANI (@ANI) December 12, 2018

'कुटुंबीयांनाही दिला जातोय त्रास'

जे काही मला सहन करावे लागणार आहे,  ते मी सहन करत आहे. पण माझ्या कुटुंबीयांनाही त्रास दिला जातोय. चिंतेमुळे माझी आई तणावामध्ये आहे आणि गेल्या तीन दिवसांपासून ती हॉस्पिटलमध्ये आहे, अशी माहितीही त्यांनी दिली. 

Robert Vadra on ED raids: Charges against me are totally false&politically motivated. We have replied to every notice. But my family is under stress, mother is unwell, my premises was ransacked and locks broken. Everything should be done legally, we have always been cooperating. pic.twitter.com/2aFi37ccA1

— ANI (@ANI) December 12, 2018

 

Robert Vadra on ED raids: Will not allow my name to be used for political blackmail, have always maintained that we will cooperate, but the process should be fair and legal. I am not running away or going to live in some other country pic.twitter.com/lRw4PhEndt

— ANI (@ANI) December 12, 2018

का करण्यात आली कारवाई ?
ईडीनं गेल्या आठवड्यात दिल्लीत रॉबर्ट वाड्रा यांच्यांशी संबंधित ठिकाणांवर छापेमारी केली होती. बीकानेर जमीन घोटाळाप्रकरणी आणि शस्त्रास्त्र विक्रेता संजय भंडारीशी जोडल्या गेलेल्या प्रकरणात मनी लाँडरिंग एफआयआर संबंधित ही कारवाई करण्यात आली.
ईडीनं स्कायलाइट हास्पिटॅलिटी छापा मारला आणि येथील अधिकाऱ्यांची चौकशी केली. याशिवाय, वाड्रा यांना दोन वेळा समन्सही बजावण्यात आला होता.