चंद्रयान-3 ची शेवटच्या टप्प्यात महत्त्वपूर्ण कामगिरी; यशस्वीरित्या विलग झाला लँडर 'विक्रम'!

चंद्रयान-2 च्या वेळी 'लँडर विक्रम' क्रॅश झाल्यानेच मोहिम अयशस्वी ठरले

Chandrayaan 3 LIVE Updates: शेवटच्या टप्प्यात चंद्रयान 3 ला मोठं यश मिळालं असून विक्रम लँडरला मूळ यानापासून विलग करण्यात इस्रो यशस्वी झाले आहे. चंद्रयान-3 चंद्रावर उतरण्यापूर्वी इस्रोला मोठे यश मिळाले आहे. चांद्रयान-3 गुरुवारी दुपारी 1:08 वाजता दोन तुकड्यांमध्ये विभागले गेले आहे, जी लँडिंगपूर्वीच एक महत्त्वाची प्रक्रिया होती. या प्रक्रियेत, चंद्रयान-3 चे प्रोपल्शन मोड्यूल आणि लँडर मॉड्यूल वेगळे केले गेले. आता विक्रम लँडर चंद्रापासून 100 किमी अंतरावर आहे. आता ते चंद्राच्या क्षेत्राभोवती फिरेल आणि हळूहळू लँडिंगच्या दिशेने जाऊन २३ ऑगस्टला चंद्रावर उतरेल.

Chandrayaan 3 Mission | Landing Module is successfully separated from the Propulsion Module (PM). Landing Module is set to descend to a slightly lower orbit upon a deboosting planned for tomorrow around 1600 hours IST: ISRO pic.twitter.com/ObQMlaELPS

— ANI (@ANI) August 17, 2023

लँडर आणि प्रोपल्शन यशस्वीरित्या वेगळे करण्यात आल्याची घोषणा इस्रोने अधिकृत निवेदन जारी करून केली. आता शुक्रवारी दुपारी 4 वाजता, लँडर मॉड्यूल खालच्या कक्षेत डीबूस्ट केले जाईल. चंद्राच्या दिशेने आता भारताचे प्रोपल्शन मॉड्यूल्स आहेत. म्हणजेच भारत चंद्रावर पाऊल ठेवण्याच्या अगदी जवळ आहे.

Chandrayaan-3 Mission:

Meanwhile, the Propulsion Module continues its journey in the current orbit for months/years.

The SHAPE payload onboard it would
☑️ perform spectroscopic study of the Earth’s atmosphere and
☑️ measure the variations in polarization from the clouds on…

— ISRO (@isro) August 17, 2023

जर चंद्रयान-३ चंद्रावर यशस्वीरित्या उतरले तर भारत चंद्रावर पोहोचणारा जगातील चौथा देश ठरेल. विशेष म्हणजे चंद्रयान-३ चंद्राच्या दक्षिण ध्रुवावर उतरणार आहे, जिथे आतापर्यंत कोणीही पोहोचलेले नाही. या विलगानंतर आता पुढचा आठवडाभर सर्वांचे लक्ष या यानाच्या आगेकूच कडे असणार आहे.

प्रोपल्शन आणि लँडर वेगळे कसे झाले?

चंद्रयान-3 चे लँडिंग 23 ऑगस्टला होणार आहे, पण त्याआधी आजचा दिवस खूप महत्त्वाचा आहे. इस्रोच्या म्हणण्यानुसार, चांद्रयान-3 चे प्रोपल्शन आणि लँडर गुरुवारी वेगळे झाले. अशा स्थितीत दोन्ही चंद्रांच्या कक्षेच्या 100 x 100 कि.मी. रेंजमध्ये असतील, दोन्ही काही अंतरावर ठेवल्या जातील जेणेकरून त्यांच्यामध्ये धडक होणार नाही. जेव्हा लँडर वेगळे होईल, तेव्हा ते लंबवर्तुळाकार रीतीने फिरेल आणि त्याचा वेग कमी करेल, हळूहळू तो चंद्राच्या दिशेने जाईल. ही प्रक्रिया 17 ऑगस्टला होईल आणि त्यानंतर 18 ऑगस्टला एक महत्त्वाचा क्षण येईल.

Chandrayaan-3 Mission:

‘Thanks for the ride, mate! 👋’
said the Lander Module (LM).

LM is successfully separated from the Propulsion Module (PM)

LM is set to descend to a slightly lower orbit upon a deboosting planned for tomorrow around 1600 Hrs., IST.

Now, 🇮🇳 has3⃣ 🛰️🛰️🛰️… pic.twitter.com/rJKkPSr6Ct

— ISRO (@isro) August 17, 2023

विभक्त झाल्यानंतर काय होईल?

प्रोपल्शन आणि लँडर वेगळे झाल्यावर लँडरचे खरे काम सुरू होईल. त्यानंतर विक्रम लँडर चंद्राच्या 100 किमी. श्रेणीमध्ये, ते अंडाकृती आकारात फिरत राहील, ज्या दरम्यान त्याचा वेग कमी करण्याचा प्रयत्न केला जाईल. वेग पूर्ण झाल्यावर हळूहळू लँडर चंद्राच्या दिशेने पाठवले जाईल आणि सॉफ्ट लँडिंगची प्रक्रिया सुरू होईल.