बिहारमधील नालंदा जिल्ह्यात लग्नानंतर अवघ्या काही तासांतच वधू-वराचा मृत्यू झाल्याची धक्कादायक घटना घडली आहे. क्षणार्धात दोन कुटुंबांच्या आनंदाचे रूपांतर शोकात झाले. वर आपल्या वधूला घेऊन जात असलेल्या कारला भरधाव वेगाने येणाऱ्या ट्रॅक्टरने धडक दिली. यात वधू-वर जागीच ठार झाले. या अपघातात वराचा मेहुणा गंभीर जखमी झाला. पोलिसांनी गुन्हा दाखल करून ट्रॅक्टरसह फरार चालकाचा शोध सुरू केला आहे. ही घटना बिहारमधील नालंदा जिल्ह्यातील गावातील आहे.
ही घटना नालंदातील गिरियक पोलीस स्टेशन हद्दीतील पुरानी गावाजवळ घडली. शुक्रवारी गिरियकच्या सतौआ गावातील कारू चौधरी यांची मुलगी पुष्पा कुमारी (20 वर्षे) हिचा विवाह नवादा येथील महराना गावातील रहिवासी श्याम कुमार (27 वर्षे) याच्याशी झाला. शनिवारी दुपारी पुष्पा यांना निरोप देण्यात आला. इनोव्हा कारमधून श्याम आपली नववधू पुष्पा आणि मेहुणीसह महराना गावाकडे निघाले होते.
दुपारी 3-4 वाजण्याच्या दरम्यान त्यांची कार पुरैनी गावाजवळ आली असता भरधाव वेगात असलेल्या वाळूने भरलेल्या ट्रॅक्टरने कारला जोरदार धडक दिली. यामुळे कार रस्त्यावरून खाली गेली. श्याम आणि पुष्पा यांचा जागीच मृत्यू झाला. यात श्यामचा मेहुणा आणि गाडीचा चालक गंभीर जखमी झाला.
ट्रॅक्टर चालक फरार
घटनेची माहिती मिळताच पोलिसांनी घटनास्थळ गाठून वधू-वरांचे मृतदेह पाठवून गंभीर जखमी मेव्हण्याला उपचारासाठी विम्स येथे दाखल केले. कारला धडक दिल्यानंतर आरोपी चालक ट्रॅक्टरसह पळून गेला. याप्रकरणी पोलिसांनी गुन्हा दाखल करून तपास सुरू केला आहे.
दोन कुटुंबांच्या आनंदाचे रूपांतर शोकात झाले
या घटनेची माहिती कुटुंबीयांना समजताच सर्वत्र शोककळा पसरली. क्षणार्धात आनंदाचे रूपांतर दु:खात झाले. लोक म्हणायचे की आम्ही मुलीला आनंदाने निरोप दिला होता, कोणाला माहित होते की असे काही होणार आहे.
लोकांनी पोलिसांवर केले आरोप
दररोज मोठ्या प्रमाणात अवैध वाळू उत्खनन होत असल्याचे ग्रामस्थांचे म्हणणे आहे. वाळू उत्खनन करणारे लोक ट्रॅक्टरमधून वाळू भरून रस्ता सोडून सुसाट वेगाने वाहने चालवतात. त्यामुळे दररोज अपघात होत आहेत. अवैध वाळू उपसा करणाऱ्यांशी पोलिसांचेही संबंध असल्याचा आरोप ग्रामस्थांनी केला आहे. एका हिंदी वेबसाईटने याबाबतचे वृत्त दिले आहे.