himachal pradesh bilaspur landslide on bus: हिमाचल प्रदेशातील बिलासपूर जिल्ह्यात एक मोठा अपघात झाला आहे. भल्लू पुलावरील एका बसवर डोंगरावरून कोसळलेल्या दरडीचा मोठा भाग पडला. या अपघातात १५ प्रवाशांचा जागीच मृत्यू झाला आहे. तर अनेक जण गंभीर जखमी असल्याचे सांगितले जात आहे. स्थानिकांनी घटनास्थळी धाव घेत बचाव आणि मदतकार्य सुरू केले. बसमध्ये अंदाजे ३० प्रवासी असल्याची माहिती आहे. पोलिस आणि प्रशासनाचे पथकही घटनास्थळी पोहोचले आहे. जेसीबीच्या मदतीने ढिगारा बाजूला करण्याचे आणि ढिगाऱ्याखाली अडकलेल्यांची सुटका करण्याचे काम सुरू आहे.
असा झाला दुर्दैवी अपघात
मंगळवारी रात्री झंडूता विधानसभा मतदारसंघातील बर्थी येथील भल्लू पुलाजवळून एक बस जात होती. त्यात सुमारे ३० प्रवासी होते. अचानक एका डोंगराला तडा गेला आणि मोठा ढिगारा बसवर पडला. प्रवाशांनी आरडाओरडा केला. आवाज ऐकून स्थानिक रहिवासी घटनास्थळी धावले आणि बचावकार्य सुरू केले. त्यांनीच अपघाताची माहिती स्थानिक पोलिस ठाण्याला दिली.
---
जेसीबीने ढिगारा बाजूला करण्याचे काम सुरू
माहिती मिळताच पोलिस पथकाने घटनास्थळी जेसीबी बोलवून बसवरील ढिगारा हटवला. त्यानंतर जखमींना बसमधून बाहेर काढून रुग्णवाहिकेतून घुमरविन झंडूता रुग्णालयात नेण्यात आले. अपघातात सहा प्रवाशांचा जागीच मृत्यू झाल्याचे वृत्त आहे, तर उर्वरित आठ ते नऊ जणांचा रुग्णालयात उपचारादरम्यान मृत्यू झाला. बसमधून तीन प्रवाशांना सुखरूप बाहेर काढण्यात आले. इतरांबद्दल अद्याप कोणतीही माहिती मिळालेली नाही.
Web Summary : A landslide in Bilaspur, Himachal Pradesh, buried a bus, killing 15. Rescue operations are underway with police and locals assisting. Approximately 30 passengers were on board the bus. Injured were taken to the hospital.
Web Summary : हिमाचल प्रदेश के बिलासपुर में भूस्खलन से एक बस दब गई, जिसमें 15 लोगों की मौत हो गई। पुलिस और स्थानीय लोगों की सहायता से बचाव कार्य जारी है। बस में लगभग 30 यात्री सवार थे। घायलों को अस्पताल ले जाया गया।