Video: मोठी बातमी! दिल्लीत लाल किल्ल्याजवळ भीषण स्फोट, 8 जणांचा मृत्यू, अनेक गंभीर जखमी

लाल किल्ल्याजवळ उभ्या असलेल्या कारमध्ये अचानक स्फोट झाला.

नवी दिल्ली:  राजधानी दिल्लीतील लाल किल्ल्याजवळ सोमवारी(दि.10) सायंकाळी भीषण स्फोट झाला. ही घटना लाल किल्ला मेट्रो स्टेशनच्या गेट क्रमांक 1 जवळ घडली. एका कारमध्ये स्फोट झाला, ज्यानंतर शेजारी उभ्या अनेक गाड्याही जळून खाक झाल्या. प्राथमिक माहितीनुसार, या घटनेत 8 ते 9 जणांचा मृत्यू झाला असून, अनेकजण गंभीर जखमी झाले आहेत.

#WATCH | A call was received regarding an explosion in a car near Gate No. 1 of the Red Fort Metro Station, after which three to four vehicles also caught fire and sustained damage. A total of 7 fire tenders have reached the spot. A team from the Delhi Police Special Cell has… pic.twitter.com/F7jbepnb4F

— ANI (@ANI) November 10, 2025

या स्फोटाची माहिती मिळताच अग्निशमन दलाच्या 10 गाड्या घटनास्थळी दाखल झाल्या आणि आगीवर नियंत्रण मिळवले. स्फोटाच्या वेळी परिसरात मोठी गर्दी होती. पोलिसांनी तात्काळ परिसर रिकामा करुन लाल किल्ला मेट्रो स्टेशनच्या आसपास सुरक्षा वाढवली आहे. NIA आणि NSG कमांडोदेखील घटनास्थळी दाखल झाले आहेत.

Blast near Gate 1 of Red Fort Metro station | Fifteen people have been brought to Lok Nayak Hospital. Eight of them died before reaching the hospital. Three are seriously injured. One is in stable condition: Medical Superintendent, Lok Nayak Jai Prakash Narayan (LNJP) Hospital to… pic.twitter.com/EXQfiqxfNR

— ANI (@ANI) November 10, 2025

स्फोटाचे कारण अद्याप अस्पष्ट

स्फोटाचे नेमके कारण अद्याप समोर आले नाही, मात्र कारमधील CNG सिलिंडरमुळे स्फोट झाल्याची शक्यता व्यक्त केली जात आहे. मात्र पोलिसांनी याबाबत अद्याप अधिकृत पुष्टी केलेली नाही. दुसरी शक्यता अशीही मांडली जात आहे की, कारमध्ये विस्फोटक पदार्थ असू शकतो. दिल्ली पोलिसांनी संपूर्ण परिसर सील केला असून, बॉम्ब स्क्वॉड आणि फॉरेन्सिक टीम घटनास्थळी तपास करत आहेत.

#WATCH | Delhi: Multiple casualties have been brought to the LNJP hospital due to the blast near Gate No 1 of Red Fort Metro Station. Several people have been injured in the incident, sources tell ANI

(Visuals from the spot) pic.twitter.com/Utih8Qmq6U

— ANI (@ANI) November 10, 2025

संशयाची सुई फरीदाबाद घटनेकडे

आजच पोलिसांनी मोठी कारवाई करत एका मोठ्या दहशतवादी कटाचा खुलासा केला आहे. या कारवाईत फरीदाबादमध्ये तब्बल 2900 किलो अमोनियम नायट्रेट सापडले आहे. हे रसायन सामान्यतः स्फोटक तयार करण्यासाठी वापरले जाते. त्या घटनेचा दिल्ली स्फोटाची संबंध आहे का, हे अद्याप समोर आले नाही. पोलिसांच्या तपासानंतरच सत्य समोर येईल. सध्या या घटनेमुळे परिसरात प्रचंड भीतीचे वातावरण पसरले आहे.