भारतीय लष्कराला बूस्ट! अमेरिकेने जेव्हलिन क्षेपणास्त्र विक्रीला दिली मंजुरी

भारतीय लष्कराची ताकद वाढली आहे. तोफखाना आणि रणगाडाविरोधी युद्ध क्षमतांमध्ये लक्षणीय सुधारणा होणार आहे, हे जेव्हलिन क्षेपणास्त्रे रणगाडे आणि चिलखती वाहनांविरुद्ध अत्यंत प्रभावी मानली जातात.

भारतीय लष्कराची ताकद आता आणखी वाढणार आहे. अमेरिकेने भारतासाठी दोन प्रमुख लष्करी खरेदी प्रस्तावांना मान्यता दिली आहे. यामध्ये एक्सकॅलिबर प्रोजेक्टाइल आणि जेव्हलिन क्षेपणास्त्र प्रणालीचा समावेश आहे. एकूण 93 मिलियन म्हणजेच 775 कोटी रुपये किमतीच्या या संरक्षण करारांना मंजुरी मिळाली आहे. दोन्ही देशांमधील धोरणात्मक संरक्षण भागीदारी आणखी मजबूत होणार आहे.

यूएस डिफेन्स सिक्युरिटी कोऑपरेशन एजन्सीनुसार, एक्सकॅलिबर प्रोजेक्टाइल्स आणि संबंधित उपकरणांची किंमत 47.1 मिलियन डॉलर आहे आणि जेव्हलिन क्षेपणास्त्र प्रणाली आणि संबंधित उपकरणांची किंमत 45.7 मिलियन डॉलर आहे.

ऐतिहासिक! नितीश कुमार यांनी 10 व्यांदा घेतली मुख्यमंत्रिपदाची शपथ; पाहा मंत्र्यांची संपूर्ण यादी

धोरणात्मक भागीदारी मजबूत होणार

डीएससीएच्या अधिकृत निवेदनानुसार, या प्रस्तावित विक्रीमुळे अमेरिकेचे परराष्ट्र धोरण आणि राष्ट्रीय सुरक्षा उद्दिष्टे देखील बळकट होतील. या विक्रीमुळे अमेरिका-भारत धोरणात्मक भागीदारी मजबूत होईल आणि एक प्रमुख संरक्षण भागीदार असलेल्या भारताची सुरक्षा क्षमता वाढेल. भारत इंडो-पॅसिफिक आणि दक्षिण आशिया प्रदेशात राजकीय स्थिरता, शांतता आणि आर्थिक प्रगतीमध्ये महत्त्वाची भूमिका बजावतो.

भारत २१६ एक्सकॅलिबर प्रोजेक्टाइल्सची खरेदी करणार

भारत सरकारने  216 M982A1  एक्सकॅलिबर टॅक्टिकल प्रोजेक्टाइल्स खरेदी करणार असल्याचे सांगितले आहे. या करारासाठी मुख्य कंत्राटदार आर्लिंग्टन, व्हर्जिनिया येथे स्थित आरटीएक्स कॉर्पोरेशन असणार आहे. अनेक नॉन-एमडीई वस्तूंचा देखील समावेश आहे.

पोर्टेबल इलेक्ट्रॉनिक फायर कंट्रोल सिस्टम (PEFCS)

iPIK इंटिग्रेशन किटप्राइमर्सप्रोपेलंट चार्जेसतांत्रिक समर्थन आणि डेटादुरुस्ती सेवालॉजिस्टिक्स आणि प्रोग्राम समर्थन

एजन्सीच्या मते, हे प्रोजेक्टाइल भारताच्या ब्रिगेडची अचूक प्रहार क्षमता वाढवतील आणि पहिल्या प्रहारात अचूकता आणखी मजबूत करतील.