हैदराबाद येथील बेगमपेट विमानतळाला बुधवारी सकाळी बॉम्बने उडवण्याची धमकी मिळाली. या खळबळ उडाली. माहिती मिळताच पोलिस आणि सुरक्षा यंत्रणांनी विमानतळावर हाय अलर्ट ऑपरेशन सुरू केले. विमानतळावरील सर्वच टर्मिनलची तपासणी करण्यात येत आहे.
पोलिसांनी दिलेल्या माहितीनुसार, सकाळीच धमकीची माहिती मिळाली. त्यानंतर, बॉम्ब पथक तैनात करण्यात आले आणि विमानतळ आणि त्याच्या आसपासच्या परिसरात कसून शोध घेण्यात आला.
याआधी कोचीहून दिल्लीला येणाऱ्या इंडिगोच्या विमानाने मंगळवारी बॉम्बच्या धमकीनंतर नागापूरमध्ये आपत्कालीन लँडिंग केले. विमान मस्कतहून कोची आंतरराष्ट्रीय विमानतळावर आले आणि तेथून सकाळी ९.३१ वाजता देशांतर्गत उड्डाण म्हणून दिल्लीला रवाना झाले.
इंडिगो विमानाबाबत कोची आंतरराष्ट्रीय विमानतळाच्या अधिकृत ईमेल आयडीवर बॉम्बची धमकी मिळाली. त्यानंतर, विमानतळ पोलिस नियंत्रण ब्युरोला फोन करून ही धमकी विशिष्ट असल्याचे घोषित करण्यात आले. ही माहिती तात्काळ संबंधित अधिकाऱ्यांना देण्यात आली, त्यानंतर नागपूर विमानतळावर आपत्कालीन लँडिंग करण्यात आले.
सुरक्षा तपासणी पूर्ण केल्यानंतर, १५७ प्रवासी आणि सहा क्रू मेंबर्स असलेले विमान दिल्लीला रवाना होईल, असे अधिकाऱ्यांनी सांगितले.