बृजभूषण शरण सिंह यांना मोठा दिलासा, POCSO कायद्याचा खटला बंद; न्यायालयाने दिली क्लोजर रिपोर्टला मंजूरी

लैंगिक छळ प्रकरणात भाजपचे माजी खासदार ब्रिजभूषण शरण सिंह यांना पटियाला हाऊस कोर्टाकडून दिलासा मिळाला आहे. अल्पवयीन महिला कुस्तीगीरने केलेल्या आरोपांवरील दिल्ली पोलिसांच्या क्लोजर रिपोर्टला न्यायालयाने मंजूरी दिली.

भाजपाचे माजी खासदार बृजभूषण शरण सिंह यांना लैंगिक छळ प्रकरणात पटियाला हाऊस कोर्टाकडून दिलासा मिळाला आहे. अल्पवयीन महिला कुस्तीगीरने केलेल्या आरोपांवरील दिल्ली पोलिसांचा क्लोजर रिपोर्टला कोर्टाने मंजूरी दिली. POCSO कायद्यांतर्गत दाखल केलेला खटला बंद करण्यात आला आहे.

यावर माजी खासदार बृजभूषण शरण सिंह यांचे पुत्र आमदार पतीक भूषण सिंह यांनी सोशल मिडिया प्लॅटफॉर्म एक्स पोस्ट लिहिली. 'आम्हाला खोट्या आणि बनावट प्रकरणात न्यायालयीन विजय मिळाला आहे. प्रत्येक निराधार आरोप आता न्यायाच्या कठड्यासमोर उघड होत आहे. हा सत्याचा विजय आहे आणि भविष्यातही हा विजय असाच चालू राहील.

'लपून नाही तर सांगून पाकिस्तानवर हल्ला केला', गुजरातमध्ये पंतप्रधान मोदींची गर्जना

ब्रृजभूषण शरण सिंह यांच्यावर महिला कुस्तीगीरांनी लैंगिक छळाचा आरोप केला होता, तक्रारदारांपैकी एक अल्पवयीन होती. आता न्यायालयाने पॉक्सो कायद्याशी संबंधित खटला बंद करण्यास मंजूरी दिली. 

दोन एफआयआर दाखल

दिल्ली पोलिसांनी कॅनॉट प्लेस पोलिस ठाण्यात ब्रृजभूषण सिंह यांच्याविरुद्ध दोन एफआयआर दाखल केले. एक एफआयआर भारतीय दंड संहितेच्या विविध कलमांखाली आणि दुसरा पॉक्सो कायद्यांतर्गत नोंदवण्यात आला. POCSO प्रकरणात, अल्पवयीन तक्रारदाराने तिचे आरोप मागे घेतले होते, त्यानंतर दिल्ली पोलिसांनी क्लोजर रिपोर्ट दाखल केला होता.

महिला कुस्तीगीरांनी नोंदवलेल्या लैंगिक छळाच्या दुसऱ्या प्रकरणात, पाच महिला कुस्तीगीरांच्या तक्रारींच्या आधारे ब्रृजभूषण शरण सिंह यांच्याविरुद्ध आरोप निश्चित केले आहेत. या प्रकरणाबाबत, सिंह यांनी दिल्ली उच्च न्यायालयात एफआयआर, आरोपपत्र आणि खटल्याच्या न्यायालयाच्या कार्यवाहीला आव्हान दिले आहे, याची सुनावणी सध्या प्रलंबित आहे.