भरत चौधरी यांचे नगरसेवकपद अडचणीत ?

ज�

��त प्रमाणपत्र अवैद्य : विभागीय जातपडताळणी समितीचा निर्णय
पुणे : महापालिकेतील शिवसेनेचे नगरसेवक भरत चौधरी यांचे कुणबी जातीचे प्रमाणपत्र विभागीय जात पडताळणी समितीने नुकतेच अवैद्य ठरविले आहे. चौधरी यांना जात प्रमाणपत्रामुळे मिळालेले फायदे परत घ्यावेत आणि त्याविषयाचा अहवास सादर करण्याविषयी समितीने महापालिका आयुक्त यांना कळविले आहे.
महापालिकेच्या प्रभाग क्रमांक ६३ (अ) मधून भरत चौधरी निवडून आले आहेत. त्यावेळी इतर मागास वर्गीय (ओबीसी) गटातून चौधरी यांनी निवडणूक लढविली होती. निवडणूक लढविताना त्यांनी कुणबी प्रमाणपत्र दाखल केले होते. मात्र, प्रमाणपत्रावर मोहम्मद खान यांनी आक्षेप घेतला होता. त्यानुसार उच्च न्यायालयात याचिका दाखल केली होती. न्यायालयाने विभागीय जात प्रमाणपत्र पडताळणी समितीला त्याविषयीची चौकशी करण्याचे आदेश दिले होते. त्यावर समितीने जात प्रमाणपत्राच्या प्रकरणी सुनावनी घेऊन हे प्रमाणपत्र अवैद्य असल्याचा निर्णय घेतला आहे. त्यानुसार चौधरी यांचे कुणबी जात प्रमाणपत्र रद्द करण्यात येत असल्याचे विभागीय समितीने उच्च न्यायालय, जिल्हाधिकारी व महापालिका आयुक्तांना नुकतेच पत्राद्वारे कळविले आहे, असे मोहम्मद खान यांनी सांगितले.
त्याविषयी भरत चौधरी म्हणाले, विभागीय जात पडताळणी समितीचे आदेश अद्याप मिळालेले नाहीत. आदेश पाहिल्यानंतर न्यायालयात अपील करण्यात येईल.
-----------------------------