सौंदर्य उपचारांची भारतात मोठी क्रेझ, २५% वाढ; ३ कोटी ८० लाख लोकांनी घेतले सौंदर्य उपचार

२०२४ मध्ये, ‘आयलिड सर्जरी’ची मागणी सर्वाधिक दिसून आली. त्यानंतर ‘लिपोसक्शन’ आणि ‘स्तन वाढवणे’ शस्त्रक्रिया करण्यात आल्या.

लंडन : जगभरात २०२४ मध्ये सुमारे ३ कोटी ८० लाख लोकांनी सौंदर्य उपचार घेतले. इंटरनॅशनल सोसायटी ऑफ एस्थेटिक प्लास्टिक सर्जरी (आयएसएपीएस) च्या नुकत्याच केलेल्या सर्वेक्षणानुसार, गेल्या ४ वर्षांत जागतिक स्तरावर सौंदर्य उपचार प्रक्रिया घेणाऱ्या लोकांची संख्या ४२% पेक्षा जास्त वाढली आहे.

त्याच वेळी, भारतात, गेल्या ४ वर्षांत सौंदर्य उपचार घेणाऱ्या लोकांची संख्या १४५ टक्क्यांनी वाढली आहे. गेल्या वर्षीच ती २५% पेक्षा जास्त वाढली आहे. परंतु त्याबद्दल जागरूकता मात्र, त्याच वेगाने वाढलेली नाही. उपचार प्रमाणित डॉक्टरांकडूनच करा...प्रमाणित त्वचारोगतज्ज्ञ किंवा प्लास्टिक सर्जनच कॉस्मेटिक शस्त्रक्रिया करू शकतात. त्यामुळे  प्रमाणित डॉक्टरांकडूनच उपचार करून घ्यावेत. 

ट्रेंडनुसार उपचारांची मागणी  
सौंदर्याच्या बदलत्या ट्रेंडनुसार, उपचारांची मागणीदेखील वाढते आणि कमी होते. उदाहरणार्थ, २०२० मध्ये, जगभरात सर्वाधिक सौंदर्य उपचार ‘स्तन वाढवणे’ होते त्यानंतर ‘लिपोसक्शन’ आणि ‘आयलिड सर्जरी’ होती. २०२४ मध्ये, ‘आयलिड सर्जरी’ची मागणी सर्वाधिक दिसून आली. त्यानंतर ‘लिपोसक्शन’ आणि ‘स्तन वाढवणे’ शस्त्रक्रिया करण्यात आल्या.

पुरुषांनी केली सर्वाधिक ‘आयलिड सर्जरी’ 
जागतिक स्तरावर, २०२४ मध्ये पुरुषांनी सर्वाधिक पापण्यांच्या शस्त्रक्रिया केल्या आणि त्यात त्यांचा सहभाग सुमारे ३० टक्के होता. यामुळे, २०२४ मध्ये पापण्यांची शस्त्रक्रिया जगातील सर्वांत जास्त केली जाणारी सौंदर्य उपचार पद्धती बनली.