Assembly Election and BJP Planning: या वर्षाच्या अखेरीस पाच राज्यांमध्ये (मध्य प्रदेश, छत्तीसगड, राजस्थान, तेलंगणा आणि मिझोराम) विधानसभा निवडणुका होणार आहेत. लवकरच निवडणुकीच्या तारखा जाहीर केल्या जातील. दरम्यान, निवडणुकीच्या पार्श्वभूमीवर गुरुवारी रात्री भाजपच्या वरिष्ठ नेत्यांची बैठक झाली. या बैठकीत अनेक महत्त्वाच्या मुद्द्यांवर चर्चा झाली आणि निवडणूक रणनीतीही ठरवण्यात आली आहे.
केंद्रीय गृहमंत्री अमित शहा, भाजप अध्यक्ष जेपी नड्डा, राष्ट्रीय संघटन सरचिटणीस बीएल संतोष, वसुंधरा राजे सिंधिया, राजेंद्र राठोड, सतीश पुनिया, अरुण सिंग, विजया रहाटकर, सहप्रभारी नितीन पटेल, गजेंद्र सिंह शेखावत, राज्यवर्धन सिंह राठोड आदी दिग्गज नेते बैठकीला उपस्थित होते.
जनतेचा विश्वास संपादन केला पाहिजेमीडिया रिपोर्टनुसार, भाजपने विधानसभा निवडणुकीसाठी रणनीती आखली आहे. यानुसार, राज्यात मोठी जबाबदारी मिळवण्यास इच्छूक असलेले किंवा स्वत:ला दावेदार म्हणून दाखवण्याचा प्रयत्न करणाऱ्या सर्व बड्या नेत्यांना आधी निवडणुकीच्या रिंगणात उतरुन जनतेचा विश्वास संपादन करावा लागेल.
आमदारांच्या संख्येच्या आधारे जबाबदारी दिली जाईलभारतीय जनता पक्षाने निवडणुकीत बहुमताचा आकडा पार केल्यास संबंधित राज्यातील नेत्यांची कामगिरी आणि त्यांच्या पाठीशी उभ्या असलेल्या आमदारांची संख्या लक्षात घेऊन त्यांना मोठ्या जबाबदाऱ्या देण्याबाबत विचार केला जाणार आहे. मात्र, भाजपच्या वरिष्ठ नेत्यांच्या बैठकीनंतरच अंतिम निर्णय होणार आहे.
इतर राज्यांमध्ये मध्य प्रदेशचा फॉर्म्युलामध्य प्रदेशप्रमाणेच विधानसभा निवडणुकीत भाजप इतर राज्यांमध्ये अनेक ज्येष्ठ नेत्यांना किंवा केंद्रीय मंत्र्यांना तिकीट देऊ शकते, असे सांगण्यात येत आहे. मध्य प्रदेशमध्ये भाजपने नरेंद्र सिंह तोमर, प्रल्हाद सिंह पटेल आणि फग्गन सिंह कुलस्ते या केंद्रीय मंत्र्यांना विधानसभेचे तिकीट दिले आहे. याशिवाय संघटनेचे सरचिटणीस कैलाश विजयवर्गीय यांच्यासह आठ खासदारांना मैदानात उतरवण्यात आले आहे.
या पाच राज्यांमध्ये विधानसभा निवडणुका या वर्षाच्या अखेरीस मध्य प्रदेश, राजस्थान, छत्तीसगड, तेलंगणा आणि मिझोराममध्ये विधानसभा निवडणुका होणार आहेत. या राज्यांतील विधानसभांचा कार्यकाळ या वर्षी डिसेंबर ते जानेवारी 2024 पर्यंत आहे. छत्तीसगड विधानसभेचा कार्यकाळ 3 जानेवारी, मध्य प्रदेश 6 जानेवारी 2024, राजस्थान 14 जानेवारी 2024, तेलंगणा 16 जानेवारी 2024 आणि मिझोराम 17 डिसेंबर रोजी संपेल.