गेल्या काही दिवसांपासून पाकिस्तानमधूनभारतात आलेली सीमा हैदर ही महिला मीडिया आणि सोशल मीडियावर चर्चेत आहे. तिच्या भारतात येण्यावरून आणि सचिनसोबत विवाह करून हिंदू धर्म स्वीकारण्यावरू पाकिस्तानमध्ये खळबळ माजलेली आहे. सीमाबद्दल पाकिस्तानी मीडिया आणि सोशल मीडियामध्ये वेगवेगळे दावे केले जात आहेत. तर भारतात सचिन आणि सीमाची लव्हस्टोरी आणि तिच्या देशातील अवैध प्रवेशाची चर्चा होत आहे. कुणी तिला पाकिस्तानी एजंट म्हणत आहे. तर कुणी तिच्या जीवाला धोका असल्याचा दावा करत आहे. परिस्थिती अशी आहे की, सध्या सीमा हैदर ही ट्रेंडिंग टॉपिक बनलेली आहे.
चार मुलांची आई असलेल्या सीमा हैदर आणि सचिन यांच्या विवाहानंतर या अजब प्रेमकहाणीमध्ये सीमा हिचा पती गुलाम याची एंट्री झाली होती. तो सध्या सौदी अरेबियामध्ये नोकरी करत आहे. मी सीमावर खूप प्रेम करतो. तसेच ती परत आल्यास तिचा स्वीकार करून तिला आपल्यासोबत सौदी अरेबियामध्ये घेऊन जाईन, कारण तिच्या जीवाला धोका आहे, असे त्याने सांगितले.
दरम्यान, सीमाचा आणखी एक कथित माजी प्रियकरही समोर आला आहे. त्याने सीमा ही भारतातून परत येईल, असा दावा केला आहे. तसेच ती भारतातून परत कधी येईल, त्याची वेळही तो सांगत आहे. काही यूट्युब चॅनलवर त्याची माहिती दिली जात आहे.
या व्यक्तीने सांगितले की, तो सुद्धा पब्जीच्या माध्यमातून सीमाच्या संपर्कात आला होता. दोन वर्षांपासून दोघेही एकमेकांना ओळखतो. तसेच आम्ही लग्नही करणार होतो. मात्र ते होऊ शकलं नाही. पाकिस्तानमधून भारतात जाण्यामागे सीमाचा खास उद्देश आहे. तो पूर्ण झाल्यावर ती परत पाकिस्तानमध्ये येईल. या पाकिस्तानी तरुणाने सांगितले की, सीमा हैदरला क्रिकेट खूप आवडते. तिला भारतामध्ये वर्ल्डकप सामना पाहायचा आहे. तो पाहिल्यावर ती पती गुलाम हैदरकडे परत येईल.