नवी दिल्ली : युनियन बँक ऑफ इंडियाशी संबंधित २२८ कोटींच्या कथित घोटाळ्याप्रकरणी सीबीआयने शनिवारी सलग दुसऱ्या दिवशी अनिल अंबानी यांचे पुत्र जय अनमोल अंबानी यांची सुमारे पाच तास चौकशी केली.
रिलायन्स होम फायनान्स लिमिटेडचे (आरएचएफएल) माजी संचालक जय यांची सीबीआयच्या मुख्यालयात चौकशी करण्यात आली. या प्रकरणात आरएचएफएलचे माजी मुख्य कार्यकारी अधिकारी रवींद्र सुधाकर यांच्यासह इतरांवर गुन्हा दाखल आहे.
कर्जाची परतफेड नाहीसीबीआयने ९ डिसेंबर २०२५ रोजी जय यांच्या निवासस्थानी झडती घेतली. युनियन बँक ऑफ इंडियाच्या तक्रारीआधारे सीबीआयने ही कारवाई केली होती. कंपनीने कर्जाची परतफेड केली नसल्याने २०१९ मध्ये हे खाते एनपीए म्हणून घोषित केले होते. यात बँकेचे २२८.०६ कोटी रुपयांचे नुकसान झाले असल्याचे सीबीआयने म्हटले.
आरएचएफएलने युनियन बँक ऑफ इंडियासह १८ बँका, वित्तीय संस्था, नॉन बँकिंग कंपन्यांसह काही काॅर्पोरेट संस्थांकडून ५,५७२.३५ कोटी कर्ज घेतले होते, असे सीबीआयचे म्हणणे आहे.
Web Summary : Jai Anmol Ambani, son of Anil Ambani, was questioned by the CBI for five hours for the second consecutive day regarding a ₹228 crore loan fraud case linked to Union Bank of India. The case involves Reliance Home Finance Limited and others.
Web Summary : अनिल अंबानी के बेटे जय अनमोल अंबानी से यूनियन बैंक ऑफ इंडिया से जुड़े ₹228 करोड़ के ऋण धोखाधड़ी मामले में सीबीआई ने लगातार दूसरे दिन पांच घंटे तक पूछताछ की। मामले में रिलायंस होम फाइनेंस लिमिटेड और अन्य शामिल हैं।