लखनौ - उत्तर प्रदेशची राजधानी लखनौ येथील एक व्हिडिओ सोशल मीडियावर चांगलाच व्हायरल झाला आहे. या व्हिडिओत एका महिलेनं भाजप नेत्याच्या कानशिलात लगावल्याचं दिसून येत आहे. चारचाकी गाडी लावण्यावरुन वाद झाल्यानंतर संबंधित नेत्याने शिवागीळ केल्याचा आरोप करण्यात आला. त्यावरुन, दोघांमध्ये शाब्दीक बाचाबाची झाली. यावेळी, तेथे उपस्थित महिलेन पतीची बाजू घेत या नेत्याच्या कानशिलात लगावली.
व्हायरल व्हिडिओत दिसून येते की, व्हिडिओ बनवणारा व्यक्ती संबंधित नेत्याला त्यांचे नाव विचारतात. त्यावेळी, पांढरे कपडे घातलेली ती व्यक्ती म्हणजे, नाव विचारतो.. मी तुझा बाप आहे, असे म्हणत व्हिडिओ काढणाऱ्या व्यक्तीला मारहाणीचाही प्रयत्न या नेत्याकडून होतो. त्यावेळी, तिथेच उभा असलेल्या महिलेकडून त्या नेत्याला मारहाण केली जाते. माझ्या नवऱ्यावर हात उचलतो, असे म्हणत ती महिला या कथित नेत्याच्या कानशिलात लगावते. दरम्यान, व्हिडिओत गाडी दिसत असून गाडीवर भाजपाचा झेंडा असल्याचे पाहायला मिळते. तसेच, वादग्रस्त भाजप नेता हा माजी नगरसेवक अतुल दीक्षित असल्याचे समजते.