Ajit Pawar Plane Crash, DGCA VSR Ventures: राज्याचे उपमुख्यमंत्री अजित पवार यांचा २८ जानेवारीला बारामती येथे विमान अपघातात मृत्यू झाला. अजितदादांचा अपघात 'लिअरजेट ४५' विमानात बसलेले असताना झाला. या अपघातानंतर नागरी विमान वाहतूक महासंचालनालयाने (DGCA) कठोर कारवाई केली आहे. DGCA ने M/s VSR Ventures Pvt Ltd मालकीच्या चार लिअरजेट ४०/४५ विमानांना तात्काळ 'ग्राउंडेड' केले आहे. DGCA ने एक निवेदन जारी केले आहे की, नियामकाच्या एका विशेष पथकाने विमानाचे ऑडिट केले, ज्यामध्ये विमानाच्या फिटनेस, सुरक्षितता आणि उड्डाण प्रक्रियेत अनेक त्रुटी आढळल्या. विमानाच्या देखभालीमध्येही निष्काळजीपणा आढळून आला. त्यामुळे हा निर्णय घेण्यात आला आहे.
'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा
कोणकोणत्या विमानांवर बंदी घालण्यात आली?
सुरक्षेच्या कारणास्तव, नागरी विमान वाहतूक महासंचालनालयाने (DGCA) तात्काळ VT-VRA, VT-VRS, VT-VRV आणि VT-TRI असे नोंदणी क्रमांक असलेले चार Learjet 40/45 विमाने ग्राउंड केली आहेत. ही विमाने पूर्णपणे दुरुस्त होईपर्यंत आणि सुरक्षित होईपर्यंत ग्राउंड केलेलीच राहतील. या कमतरता का निर्माण झाल्या, याचे स्पष्टीकरण DGCA ने कंपनीकडून मागितले आहे. कंपनीचा अहवाल प्राप्त झाल्यानंतरच डीजीसीए पुढील कारवाईचा निर्णय घेईल. डीजीसीएने स्पष्ट केले आहे की प्रवाशांची सुरक्षा ही सर्वात महत्त्वाचे आहे आणि नियमांचे कोणतेही उल्लंघन खपवून घेतले जाणार नाही.
विमान अपघातात अजितदादांसह पाच जणांचा मृत्यू
महाराष्ट्राचे माजी उपमुख्यमंत्री अजित पवार यांचे विमान २८ जानेवारी २०२६ रोजी बारामती येथे कोसळले. या अपघातात व्हीएसआर व्हेंचर्सच्या मालकीचे लिअरजेट विमान होते, ज्यामध्ये पायलटसह पाच जणांचा मृत्यू झाला. विमानात अजित पवार, पायलट कॅप्टन सुमित कपूर, कॅप्टन शांभवी पाठक, PSO विदीप जाधव आणि फ्लाइट अटेंडंट पिंकी माळी हे पाच लोक होते.
सीबीआय चौकशीची मागणी
अजित पवार यांच्या विमान अपघाताबाबत कट रचल्याचा संशय व्यक्त केला जात आहे. त्यांच्या कुटुंबीयांनी या घटनेची सीबीआय चौकशी करण्याची मागणी केली आहे. मुख्यमंत्री देवेंद्र फडणवीस यांनी आता सांगितले आहे की महाराष्ट्र सरकारने गृहमंत्री अमित शहा यांना विमान अपघाताची सीबीआय चौकशी करण्याचे आदेश देण्याची विनंती केली आहे. मुख्यमंत्री देवेंद्र फडणवीस यांनी सांगितले आहे की सीबीआय डीजीसीए आणि राज्य सीआयडी सोबत चौकशी करेल.
Web Summary : Following Ajit Pawar's plane crash, DGCA grounded four VSR Ventures aircraft due to safety lapses. An audit revealed maintenance negligence. CBI probe requested into the accident that killed five, including Pawar.
Web Summary : अजित पवार के विमान दुर्घटना के बाद, डीजीसीए ने सुरक्षा चूक के कारण वीएसआर वेंचर्स के चार विमानों को रोका। एक ऑडिट में रखरखाव में लापरवाही का पता चला। पवार सहित पांच लोगों की मौत की दुर्घटना की सीबीआई जांच का अनुरोध किया गया।