लोकमत न्यूज नेटवर्कनवी दिल्ली : केंद्रीय लोकसेवा आयोगाने नागरी सेवा परीक्षा २०२५ चा अंतिम निकाल शुक्रवारी जाहीर केला असून, या परीक्षेत एमबीबीएस पदवीधर अनुज अग्निहोत्री याने देशात अव्वल क्रमांक मिळवला. मेडिकल सायन्स हा त्याचा ऐच्छिक विषय होता.
राजेश्वरी सुवे एम. दुसरी तर धुल तिसरा
राजेश्वरी सुवे एम. आणि आकांश धुल यांनी अनुक्रमे दुसरा व तिसरा क्रमांक मिळवला. राघव झुनझुनवालाने चौथा, तर ईशान भटनागरने पाचवा क्रमांक मिळवला. अग्निहोत्रीने एम्स, जोधपूर येथून एमबीबीएस पदवी घेतली आहे.
महाराष्ट्राचे ५० हून अधिक उमेदवार यशस्वी
एकूण ९५८ उमेदवार परीक्षा उत्तीर्ण झाले. त्यातील ५०हून अधिक उमेदवार महाराष्ट्रातील आहेत. पहिल्या शंभर जणांमध्ये महाराष्ट्रातील पाच उमेदवारांचा समावेश आहे. त्यातील ऋषीकेश आलासे यांनी देशात ६१वा क्रमांक, तर महाराष्ट्रात प्रथम क्रमांक मिळविला आहे. आकाश त्रिवेदी यांनी ७३, गौरव चोप्रा यांनी ८३, सायली पगार यांनी ८७ वा, तर दीक्षा पाटकर यांनी ८८ वा क्रमांक पटकावला आहे. आयोगाने ३४८ जणांची उमेदवारी प्रोव्हिजनल ठेवली आहे.
Web Summary : Anuj Agnihotri, an AIIMS graduate, topped the UPSC civil services exam. Rajeshwari Suve M. secured second position, followed by Akash Dhul. Over 50 candidates from Maharashtra passed, with Rishikesh Alase ranking 61st nationally.
Web Summary : एम्स स्नातक अनुज अग्निहोत्री ने यूपीएससी सिविल सेवा परीक्षा में टॉप किया। राजेश्वरी सुवे एम. ने दूसरा स्थान हासिल किया, जिसके बाद आकाश धूल रहे। महाराष्ट्र से 50 से अधिक उम्मीदवार उत्तीर्ण हुए, जिनमें ऋषिकेश अलासे ने राष्ट्रीय स्तर पर 61वां स्थान प्राप्त किया।