अहमदाबाद विमान अपघातानंतर मन हेलावून टाकणाऱ्या अनेक घटना समोर येत आहेत. अपघातात अनेकांना आपला जीव गमवावा लागला तर काही जण गंभीर जखमी झाले. याच दरम्यान यमन व्यास या तरुणाची हृदयस्पर्शी घटना समोर आली. यमनने सर्व सामान पॅक केलं होतं. तो फ्लाईट पकडण्यासाठी घराबाहेर पडत होता. त्याने त्याच्या आईचा निरोप घेतला तेव्हा तो क्षण खूपच भावनिक होता.
यमनची आई तेव्हा त्याला म्हणाली की, तू आणखी काही दिवस थांबायला हवं होतं बेटा. आईचे हे शब्द ऐकताच यमन देखील खूप भावुक झाला आणि त्याने त्याचं तिकीट कॅन्सल केलं. यमन व्यास १२ जून रोजी त्याच फ्लाइटने प्रवास करणार होता, जे टेकऑफनंतर काही सेकंदातच कोसळलं. त्यामुळे आईनेच मुलाला मृत्यूच्या तावडीतून वाचवल्याचं म्हटलं जात आहे.
"माणुसकी दाखवा, माझी मुलगी रुग्णालयात..."; विमान अपघातानंतर डॉक्टरची हात जोडून विनंती
कॅन्सरने आईला हिरावून नेलं, अपघातामुळे वडिलांचं छत्र हरपलं; १८ दिवसांत २ चिमुकल्या अनाथ
घरी पोहोचल्यावर मिळाली अपघाताची माहिती
यमनला जेव्हा विमान अपघाताबद्दल समजलं तेव्हा त्याला मोठा धक्काच बसला. त्याच्या आईमुळे त्याचा जीव वाचला. जैमिन आणि प्रिया पटेल यांच्यासोबतही असंच काहीस झालं आहे. अहमदाबादच्या चांदलोडिया येथील रहिवासी २९ वर्षीय जैमिन पटेल आणि २५ वर्षीय प्रिया पटेल यांना त्यांच्या मित्राने सुट्टीसाठी लंडनला बोलावलं होतं. एअर इंडियाच्या बोईंग ७८७-८ ड्रीमलायनर विमानाने लंडनला जाणार होते. पण त्यांच्याकडे काही कागदपत्रं नसल्याने त्यांना विमानात चढू दिलं नाही. एअरलाइन्स कर्मचाऱ्यांना खूप विनवणी करत राहिले. पण त्यांना विमानात चढू दिलं नाही आणि ते निराश होऊन घरी परतले. घरी पोहोचल्यावर त्यांना अपघाताची माहिती मिळाली.
शेतकरी वडिलांनी कर्ज काढून लेकाला शिकवलं पण अपघातामुळे डॉक्टर होण्याआधीच सारं संपलं
"तू हो पुढे, मी हात धुवून येतो"; मित्र मेसमधून बाहेर पडला, पण आर्यन आतच राहिला, गमावला जीव
विमानातील फक्त एकच प्रवासी वाचला
गुरुवारी गुजरातमधील अहमदाबाद विमानतळाजवळ अपघात झालेल्या एअर इंडियाच्या विमानातील फक्त एकच प्रवासी या भयानक घटनेतून वाचला. त्याच्यावर शहरातील सिव्हिल हॉस्पिटलमध्ये उपचार सुरू आहेत. विश्वकुमार रमेश नावाचा हा प्रवासी बोईंग ७८७ ड्रीमलायनरच्या 'ए११' सीटवर होता, ज्यामध्ये २४२ प्रवासी आणि क्रू मेंबर्स होते. या घटनेने सर्वांनाच मोठा धक्का बसला आहे.