वीज कर्मचाऱ्याचा अपघाती मृत्यू

(फ

ोटो-पासपोर्ट)
वीज कर्मचाऱ्याचा अपघाती मृत्यू
ट्रकची मोटरसायकलला धडक : कोराडी - नागपूर मार्गावरील घटना
कोराडी : भरधाव ट्रकने मोटरसायकलला धडक दिली. यात गंभीर जखमी झालेल्या महापारेषण कंपनीच्या कर्मचाऱ्याचा उपचाराला नेत असताना वाटेतच मृत्यू झाला. ही घटना कोराडी - नागपूर मार्गावरील मॉडर्न स्कूलजवळ गुरुवारी सकाळी घडली.
मोहम्मद फिरोज अली खान (५५, रा. गुरुस्मृतीनगर, कोराडी) असे मृत कर्मचाऱ्याचे नाव आहे. ते उप्पलवाडी येथील वीज उपकेंद्रात ज्युनियर टेक्निशियनपदी कायर्ग्रत होते. दरम्यान, ते गुरुवारी सकाळी उप्पलवाडी येथील कार्यालयात नवीन मोटरसायकलने जात असताना मॉडर्न हायस्कूलजवळ मागून येणाऱ्या एमएच-४०/६१५० क्रमांकाच्या भरधाव ट्रकने त्यांच्या मोटरसायकलला जोरदार धडक दिली. यात ते गंभीर जखमी झाल्याने वसीम शेख, स्वप्नील केदार, सलीम शेख, दीपक ठाकूर आदींनी त्यांना लगेच उपचारासाठी नागपूरला हलविले. मात्र, डॉक्टरांनी त्यांना तपासणीअंती मृत घोषित केले. या प्रकरणी कोराडी पोलिसांनी ट्रकचालकाविरुद्ध गुन्हा नोंदवून तपास सुरू केला आहे. मॉडर्न स्कूलजवळील टी पॉईंट वाहतुकीच्या दृष्टीने धोकादायक आहे. तिथे वारंवार अपघात होत असल्याने येथील दुभाजक बॅरिकेटस् लावून बंद करण्याची मागणी भारतीय जनता युवा मोर्चाच्या पदाधिकाऱ्यांनी केली आहे. (प्रतिनिधी)
***