गौतमवर 'गंभीर' आरोप करताना 'आप'च्या उमेदवार रडू लागल्या!

पूर्व दिल्ली लोकसभा मतदारसंघातील आम आदमी पार्टीच्या उमेदवार आतिशी यांनी गुरुवारी भाजपा उमेदवार गौतम गंभीर यांच्यावर निशाणा साधला आहे.

नवी दिल्ली : लोकसभा निवडणुकीच्या सहाव्या टप्प्यातील प्रचार आज संपला. सहाव्या टप्प्यात दिल्लीतील सर्व जागांवर (नवी दिल्ली, पूर्व दिल्ली, पश्चिम दिल्ली, दक्षिण दिल्ली, उत्तर-पूर्व दिल्ली, उत्तर-पश्चिम दिल्ली आणि चांदणी चौक) मतदान होणार आहे. या निवडणुकीसाठी सर्वच पक्षांनी जोरदार प्रचार केला आहे.

पूर्व दिल्ली लोकसभा मतदारसंघातील आम आदमी पार्टीच्या उमेदवार आतिशी यांनी गुरुवारी भाजपा उमेदवार गौतम गंभीर यांच्यावर निशाणा साधला आहे. अतिशी यांनी दिल्लीचे उपमुख्यमंत्री मनीष सिसोदिया यांच्यासोबत पत्रकार परिषद घेतली. यावेळी पत्रकार परिषदेत त्यांनी गौतम गंभीर यांनी काढलेले एक पत्रकच वाचून दाखवले. त्यामधील आक्षेपार्ह टिप्पणी वाचताना आतिशी या भावूक झाल्या आणि त्यांना रडू कोसळले.

AAP East Delhi LS seat candidate Atishi breaks down during a press conference alleging BJP's Gautam Gambhir of distributing pamphlets with derogatory remarks against her says,"They've shown how low they can stoop.Pamphlet states that 'she is very good example of a mixed breed'." pic.twitter.com/z14MXXh574

— ANI (@ANI) May 9, 2019

दरम्यान, गेल्या काही दिवसांत प्रचारादरम्यान आतिशी यांनी गौतम गंभीर यांना शिकाऊ असल्याचे संबोधले होते. गौतम गंभीर यांची प्रसिद्धी त्यांच्याविरोधातच जाईल. कारण, मोठ्या व्यक्तींना लोक फक्त पाहतात. मात्र, त्यांच्यासाठी जो वेळ देईल, त्यालाच प्रतिनिधी म्हणून निवडतात, असेही आतिशी म्हणाल्या होत्या.  

Never imagined Gautam Gambhir to stoop so low. How can women expect safety if people wid such mentality are voted in?

Atishi, stay strong. I can imagine how difficult it must be for u. It is precisely this kind of forces we have to fight against. https://t.co/vcYObWNK6y

— Arvind Kejriwal (@ArvindKejriwal) May 9, 2019

लोकसभा निवडणुकीसाठी पाच टप्प्यातील मतदान पार पडले असून आणखी दोन टप्पे बाकी आहेत. हे दोन टप्पे 12 आणि 19 तारखेला होणार आहेत. त्यामुळे सर्व दिग्गज नेत्यांचे लक्ष या दोन टप्प्यांकडे लागून राहिले आहे. यासाठी सर्वच पक्षाच्या उमेदवारांनी प्रचाराला जोर धरला आहे. सत्ताधारी आणि विरोधक यांच्यात आरोप-प्रत्यारोपांच्या फैरी झडण्यास सुरुवात झाल्याने त्यांच्यातील कलगीतुरा चांगलाच रंगात येऊ लागला आहे.