शहीद पित्याचं पार्थिव पाहून चिमुकलीची 'पापा- पापा' हाक; पाषाणालाही पाझर फुटेल असा तो क्षण!
By ऑनलाइन लोकमत | Updated: December 18, 2025 10:58 IST2025-12-18T10:57:22+5:302025-12-18T10:58:15+5:30
Emotional Video: शहीद अमजद खान यांचे पार्थिव जेव्हा त्यांच्या राहत्या घरी पोहोचले, तेव्हा...
शहीद पित्याचं पार्थिव पाहून चिमुकलीची 'पापा- पापा' हाक; पाषाणालाही पाझर फुटेल असा तो क्षण!
जम्मू-काश्मीरमध्ये दहशतवाद्यांशी लढताना शहीद झालेले कॉन्स्टेबल अमजद खान यांच्या पार्थिवावर बुधवारी मजलता येथील शासकीय इतमामात अंत्यसंस्कार करण्यात आले. यावेळी शहीद अमजद यांच्या एक वर्षाच्या चिमुकलीने आपल्या पित्याच्या पार्थिवाला पाहून "पापा...पापा..." अशी आर्त हाक मारली, तेव्हा अंत्यविधीला उपस्थित असलेल्यांचे काळीज पिळवटून निघाले.
शहीद अमजद खान यांचे पार्थिव जेव्हा त्यांच्या राहत्या घरी पोहोचले, तेव्हा त्यांच्या एक वर्षाच्या मुलीला आणण्यात आले. शहिद पित्याचे पार्थिव पाहताच ती "पापा...पापा..." म्हणून ओरडू लागली. एवढेच नव्हे तर, तिने आपल्या पित्याला उठवण्याचाही प्रयत्न केला. हा हृदयद्रावक प्रसंग पाहून तिथे उपस्थित असलेल्या प्रत्येकाच्या डोळ्यात पाणी आले.
#BREAKING: उधमपुर मु/ठ/भे/ड़ में शहीद हुए अमजद खान का 🇮🇳 तिरंगे में लिपटा श/व घर पहुंचा तो उनकी मासूम बेटी बेबस होकर अपने पिता से बात करने के लिए “पापा… पापा…” पुकारने की वीडियो हर भारतीय के दिल को छू रही है।
— Journalist Jyoti magan 🇮🇳 (@jyotimagan555) December 18, 2025
जय हिंद 🇮🇳🇮🇳#JammuKashmir#Udhampur#IndianArmy#VideoViral#Indiapic.twitter.com/ZwTglhPQdy
उधमपूर जिल्ह्यातील सोन जंगलात पाकिस्तानी दहशतवाद्यांशी दोन हात करताना जवान अमजद अली खान शहीद झाले. जम्मू-काश्मीर पोलिसांनी त्यांच्या बलिदानाला सलाम केला आहे. शहीद अमजद खान यांना श्रद्धांजली अर्पण करताना पोलिसांनी नायक कधीही मरत नाहीत, असे ट्विट केले.
पोलीस महासंचालक नलिन प्रभात आणि जम्मू-काश्मीर पोलिसांच्या सर्व अधिकारी व कर्मचाऱ्यांनी अमजद खान यांच्या शौर्याला अभिवादन केले. "आम्ही शहीद कुटुंबाच्या दुःखात पूर्णपणे सहभागी आहोत आणि सदैव त्यांच्या पाठीशी राहू," अशा भावना प्रशासनाकडून व्यक्त करण्यात आल्या.