मध्य प्रदेशमधील इंदूर येथील जिल्हा न्यायालयाच्या कोर्टरूममध्ये सोमवारी एक धक्कादायक घटना घडली. येथे सुनावणी सुरू असतानाच कोर्टरूममधील फॅन तुटून खाली आला आणि न्यायाधीशांच्या खुर्चीवर बसलेल्या अतिरिक्त सत्र न्यायाधीशांवर पडला.
याबाबत प्रत्यक्षदर्शींनी दिलेल्या माहितीनुसार न्यायालयामध्ये सामान्यपणे कामकाज सुरू होते. तेवढ्यात एक मोठ्याने आवाज आला. तसेच एक मोठा पंखा महिला न्यायाधीशांच्या खुर्चीवर पडला. या दुर्घटनेमुळे महिला न्यायाधीशांच्या डोक्याला आणि खांद्याला दुखापत झाली. त्यांच्यावर प्रथमोपचार करण्यात आले. तसेच सध्या त्यांची प्रकृती धोक्याबाहेर असल्याचे सांगण्यात आले आहे.
या दुर्घटनेची माहिती मिळताच वकील आणि कर्मचारी मोठ्या संख्येने कोर्टरूमजवळ गोळा झाले. तसेच जिल्हा न्यायालय संघाचे अध्यक्ष एल. एल. यादव आणि वकील विनोद द्विवेदी यांनी इमारतीच्या जर्जर स्थितीवर नाराजी व्यक्त केली.
या न्यायालयातील अनेक कोर्टरूममध्ये विजेच्या वायरची फिटींग आणि वायरिंग खूप जुनी, असल्याचा आरोप वकिलांनी केला. छप्पर गळत आहे आणि बांधकाम कमकुवत झालं आहे. तसेच दुरुस्तीच्या नावाखाली केवळ मलमपट्टी केली जाते, असा आरोपही वकिलांनी केला.
संबंधित प्रशासन आणि संबंधित विभाग नवी इमारत बांधण्याच्या कामामध्ये जाणीवपूर्व उशीर करत आहे, असा आरोपही वकिलांनी केला. तसेच न्यायालयाच्या इमारतीची दुरुस्ती झाली नाही तर भविष्यात वकील, अशिल आणि कर्मचाऱ्यांच्या जीवितास धोका निर्माण होऊ शकतो, अशी भीतीही वकिलांनी व्यक्त केली.
Web Summary : In Indore, a courtroom fan fell on a judge during a hearing, causing head and shoulder injuries. Lawyers cite the building's dilapidated condition and demand repairs, fearing for safety.
Web Summary : इंदौर में सुनवाई के दौरान कोर्टरूम का पंखा जज पर गिर गया, जिससे उन्हें सिर और कंधे में चोटें आईं। वकीलों ने इमारत की जर्जर हालत बताई और मरम्मत की मांग की, सुरक्षा को लेकर डर जताया।