१३... कळमेश्वर... जोड

----

---चौकट----------
दवाखान्यात अत्याधुनिक सुविधांचा अभाव
कळमेश्वर तालुक्यात अंंदाजे ३० हजार जनावरे आहेत. कळमेश्वर शहराच्या २० ते २५ कि.मी. परिसरांमधील गावातील बहुतांश शेतकरी त्यांच्याकडील जनावरे कळमेश्वर येथील पशुवैद्यकीय दवाखान्यात उपचारासाठी आणतात. वास्तवात या दवाखान्यात शासनाने कुठल्याही अत्याधुनिक सुविधांची निर्मिती करवून दिली नाही. त्यामुळे गुरांना गंभीर आजार जडल्यास शेतकऱ्यांना नाईलाजास्तव खासगी डॉक्टरांची मदत घ्यावी लागते. यासाठी पदरमोडही करावी लागते.
----------
व्हेटरनरी मिनी पॉली क्लिनीकची मागणी
राज्य शासनाने काटोल व सावनेर येथे काही वर्षांपूर्वी व्हेटरनरी मिनी पॉली क्लिनीकची निर्मिती केली आहे. या पॉली क्लिनीकमध्ये जनावरांवर उपचार करण्यासाठी लागणारी आधुनिक सुविधा उपलब्ध करून देण्यात आली आहे. त्यामुळे कळमेश्वर तालुक्यातील शेतकऱ्यांना त्यांच्याकडील जनावरे प्रसंगी काटोल अथवा सावनेर येथील पॉली क्लिनीकमध्ये किंवा नागपूरला उपचारासाठी न्यावी लागतात. तालुक्यातील गोधन विचारात घेता कळमेश्वर येथे याच धर्तीवर व्हेटरनरी मिनी पॉली क्लिनीकची निर्मिती करावी, यासाठी स्थानिक लोकप्रतिनिधी आणि प्रमुख राजकीय पक्षांच्या पदाधिकाऱ्यांनी आपसातील मतभेद विसरून प्रयत्न करावे, अशी अपेक्षा शेतकऱ्यांनी व्यक्त केली आहे.
***