अश्लील लघुसंदेश पाठविणार्‍यावर गुन्हा

इंदिरानगर : युवतीस भ्रमणध्वनीवर अश्लील आणि कुटुंबीयास जिवे ठार मारण्याचा संदेश देणार्‍या संशयिताविरुद्ध इंदिरानगर पोलीस ठाण्यात गुन्हा दाखल करण्यात आला आहे.
युवतीचा विवाह ठरला असताना संशयित जितेंद्र ऊर्फ गणेश विलास जाधव (२१) राहणार पाटीलनगर, त्रिमूर्ती चौक याने भ्रमणध्वनीवर संबंधित युवतीला लघुसंदेश पाठविल्याचे तक्रारीत म्हटले आहे. तसेच तिच्या नावाचे बनावट फेसबुकवर अकौउंट उघडून तिच्या होणार्‍या पतीच्या चुलत भावाशी चॅटिंग केल्याप्रकरणी इंदिरानगर पोलीस ठाण्यात गुन्हा दाखल करण्यात आला आहे. (वार्ताहर)